Odeón Shopping
Coordenadas: 43°29′23.36″N 8°12′11.04″O / 43.4898222, -8.2030667
Odeón Shopping ou Centro Comercial Odeón é un complexo comercial e de ocio de Narón situado no polígono da Gándara, limítrofe con Ferrol. O nome do centro é o da empresa promotora, unha empresa catalá que posteriormente, en 2008, vendeu o centro comercial ao grupo portugués Dolce Vita.
| Odeón Shopping SL | |
|---|---|
 CC Odeón | |
| Tipo | Sociedade limitada |
| Fundación | novembro de 2002 |
| Matriz | Dolce Vita |
| Localización | Polígono da Gándara 15570 Narón |
| Fundador | Odeón |
| Persoas clave | Cristina Imaz (xerente), Ian Sandford (propietario) |
| Industria | Servizos |
| Na rede | |
| https://ccodeon.com/ | |
   | |
| [ editar datos en Wikidata ] | |
Ten un número de visitantes de entre 4,4 e 4,6 millóns ao ano.
CaracterísticasEditar
No momento da súa inauguración en 2002 Odeón era o centro comercial máis grande de Galiza con 52.672 metros cadrados construídos e tivo no seu primeiro ano de funcionamento 5,3 millóns de visitas[1].
Odeón foi construído no polígono industrial da Gándara, nunha parcela paralela á estrada de Castelao. Esta modificación do uso do terreo e a superficie construída levou ao xulgado ao arquitecto de Narón que finalmente en marzo de 2013 foi absolto.[2]
O centro comercial tiña no seu proxecto inicial un aparcadoiro soterrado baixo del e unha soa planta. Durante a súa construción o proxecto foi ampliado e modificado engadindo outra planta xa que estaban tódolos locais previstos vendidos. A nova planta ocupouse con cines, salón de birlos e locais de hostalería. Durante a construción, o día 12 de xuño de 2002, produciuse o derrubamento de parte da estrutura ferindo a varios traballadores.[3]
Ademais de locais comerciais o centro comercial ten cines, locais de hostalería e un hotel inaugurado en 2006. En 2015 foi mercado por Patron Capital e Eurofund Capital Partners.[4] En 2018 o centro comercial foi reformado interiormente e na imaxe exterior. Inditex pechou a súa tenda de Zara en Ferrol trasladándoa a Odeón.
NotasEditar
- ↑ Odeón mantiene facturación pese a bajar un 2 % en visitas. La Voz de Galicia, Ferrol
- ↑ El arquitecto que informó las licencias de Odeón, absuelto de un delito urbanístico Diario de Ferrol.
- ↑ "O fiscal pide a inhabilitación dun enxeñeiro polo accidente de Odeón". La Voz de Galicia. Arquivado dende o orixinal o 01 de xullo de 2013. Consultado o 04 de marzo de 2013.
- ↑ Dos fondos de inversión adquieren el centro comercial Dolce Vita de Narón La Voz de Galicia.
Véxase taménEditar
Ligazóns externasEditar
- Sitio web de Odeón (en castelán).