Odón Cobas García
Odón Casimiro Cobas García, nado en San Pedro de Vilanova (Vedra) o 1 de abril de 1955, é un político galego do PSdeG-PSOE.
| Biografía | |
|---|---|
| Nacemento | 1 de abril de 1955  (69 anos)San Pedro de Vilanova, España |
| Alcalde de Vedra | |
| | |
| Datos persoais | |
| País de nacionalidade | España |
| Actividade | |
| Ocupación | político , topógrafo |
| Partido político | Partido dos Socialistas de Galicia |
Traxectoria editar
Estudou Mestría Industrial en Santiago de Compostela, sendo topógrafo de profesión[1]. Posúe unha pequena explotación de Albariño[2]. Encabezou a candidatura do PSdeG-PSOE en Vedra nas eleccións municipais de 1995, logrando 4 concelleiros e pactando un goberno coa formación independente AVIVE, polo cal asumía os dous primeiros anos de lexislatura a alcaldía o independente Pedro Guitián Rodríguez, e el os dous últimos. Desta forma, asumiu a alcaldía en xuño de 1997. Nas municipais de 1999 foi a candidatura máis votada con 6 concelleiros, a un da maioría absoluta, polo que foi reelixido alcalde e estableceu un pacto de goberno co BNG. Neste mandato foi deputado provincial. Nas municipais de 2003 foi reelixido alcalde ó lograla maioría absoluta con 7 edís. Nas municipais de 2007 revalidou a alcaldía, pero perdeu a maioría absoluta ó baixar a 6 concelleiros, gobernando en minoría.
Perdeu a alcaldía nas municipais de 2011, nas cales logrou 5 concelleiros fronte a 6 do PPdeG, polo que este asumiu a alcaldía como cabeza da lista máis votada, grazas á abstención de Terra Galega e habendo votado o BNG a favor de Cobas. Volveu a selo candidato socialista nas municipais de 2015, pero non consigueu recuperala alcaldía, dado que o PPdeG logrou a maioría absoluta. En decembro de 2015 renunciou á acta de concelleiro e retirouse da primeira liña política.
| Predecesor: Pedro Guitián Rodríguez |
 Alcalde de Vedra 1997 - 2011 |
Sucesor: Carlos Martínez Carrillo |
Notas editar
- ↑ Entrevista en La Voz de Galicia ed. Santiago, 27-5-2006, p. 12.
- ↑ Entrevista en La Voz de Galicia ed. Santiago, 27-5-2006, p. 12.