O prezo de Hollywood
O prezo de Hollywood (en inglés: What Price Hollywood?) é un filme estadounidense de 1932 dirixido por George Cukor e protagonizado por Constance Bennett e Lowell Sherman. O guión é obra de Gene Fowler, Rowland Brown, Jane Murfin e Ben Markson, e baséase na historia de Adela Rogers St. Johns e Louis Stevens. O resto do elenco está composto por Neil Hamilton, Gregory Ratoff, Brooks Benedict, Louise Beavers e Eddie "Rochester" Anderson.
| O prezo de Hollywood | |
|---|---|
 Póster do filme. | |
| Ficha técnica | |
| Título orixinal | What Price Hollywood? |
| Director | George Cukor |
| Produtor | Pandro S. Berman David O. Selznick |
| Guión | Jane Murfin Ben Markson Allen Rivkin (sen acreditar) |
| Intérpretes | Constance Bennett Lowell Sherman |
| Música | Max Steiner |
| Fotografía | Charles Rosher |
| Montaxe | Del Andrews Jack Kitchin |
| Estudio | RKO Pathé |
| Distribuidora | RKO-Pathé Distributing Corp. |
| Estrea | 2 de xuño de 1932 |
| Duración | 88 minutos |
| Orixe |  Estados Unidos |
| Xénero | Drama |
| Orzamento | 416 000 dólares[1] |
| Recadación | 571 000 dólares[1] |
| Na rede | |
      | |
Sinopse editar
A camareira do Brown Derby Mary Evans é unha aspirante a actriz que ten a oportunidade de coñecer o director de cinema Maximillan Carey cando o atende unha noite. Está moi bébedo pero séntese engaiolado pola moza e invítaa a unha estrea no Grauman's Chinese Theatre.
Personaxes editar
- Constance Bennett como Mary Evans
- Lowell Sherman como Maximilian 'Max' Carey
- Neil Hamilton como Lonny Borden
- Gregory Ratoff como Julius Saxe
- Brooks Benedict como Muto
- Louise Beavers como Bonita
- Eddie "Rochester" Anderson como James
- Torben Meyer como Nick
Produción editar
O título orixinal do filme era The Truth about Hollywood. Adela Rogers St. Johns baseou vagamente o argumento nas experiencias da actriz Colleen Moore e do seu marido, o produtor alcohólico John McCormick (1893-1961), e na vida e morte do director Tom Forman, que se suicidou tras unha crise nerviosa.[2]
O produtor David O. Selznick quería a Clara Bow como protagonista feminina,[3] mais os executivos de RKO en Nova York dubidaban en investir nunha historia de Hollywood porque proxectos similares fracasaran no pasado. Cando Selznick os convenceu de que o filme tiña potencial, Bow estaba a traballar noutro filme.[4]
Catro anos despois da estrea do filme, Selznick achegouse a Cukor e pediulle que dirixise a versión de 1937 de Naceu unha estrela protagonizada por Janet Gaynor e Fredric March. A trama era tan semellante a O prezo de Hollywood que Cukor rexeitou o ofrecemtno. Os directivos de RKO consideraron presentar unha demanda de plaxio contra Selznick International Pictures debido ás evidentes similitudes na historia, mais finalmente optaron por non emprender accións legais.[5][6] Posteriormente, Cukor dirixiu unha versión musical de A Star Is Born en 1954 protagonizada por Judy Garland e James Mason.
Notas editar
- ↑ 1,0 1,1 Richard Jewel, 'RKO Film Grosses: 1931-1951', Historical Journal of Film Radio and Television, Vol 14 No 1, 1994 p39
- ↑ "What Price Hollywood?". TVGuide.com. Arquivado dende o orixinal o 11 de decembro de 2013. Consultado o 17 de xuño de 2021.
- ↑ Smyth, J. E. (1 de xuño de 2006). "Hollywood 'Takes One More Look': Early Histories of Silent Hollywood and the Fallen Star Biography, 1932–1937". Historical Journal of Film, Radio and Television 26 (2): 179–201. ISSN 0143-9685. doi:10.1080/01439680600691701.
- ↑ Behlmer, Rudy, Memo from David O. Selznick. New York: The Viking Press 1972
- ↑ McGilligan, Patrick, George Cukor: A Double Life (Nova York: St. Martin's Press, 1991) ISBN 0-312-05419-X
- ↑ Levy, Emanuel, George Cukor: Master of Elegance (Nova York: William Morrow & Company, 1994) ISBN 0-688-11246-3
Véxase tamén editar
Ligazóns externas editar
- O prezo de Hollywood na IMDb (en inglés).
- Ficha en AllMovie (en inglés)
- Ficha en RottenTomatoes (en inglés)