O milagre de Anna Sullivan
O milagre de Anna Sullivan (en inglés: The Miracle Worker) é un filme estadounidense de 1962 sobre Anne Sullivan, titora de Helen Keller, dirixido por Arthur Penn. O guión de William Gibson está baseado na súa obra de 1959, orixinada pola emisión en 1957 da serie de televisión Playhouse 90. A fonte orixinaria de Gibson foi The Story of My Life, autobiografía de Helen Keller de 1902.
| O milagre de Anna Sullivan | |
|---|---|
| Ficha técnica | |
| Título orixinal | The Miracle Worker |
| Director | Arthur Penn |
| Produtor | Fred Coe |
| Guión | William Gibson |
| Baseado en | The Miracle Worker, de William Gibson |
| Intérpretes | Anne Bancroft Patty Duke |
| Música | Laurence Rosenthal |
| Fotografía | Ernesto Caparrós |
| Montaxe | Aram Avakian |
| Estudio | Playfilm Productions |
| Distribuidora | United Artists |
| Estrea | 28 de xullo de 1962 |
| Duración | 106 minutos |
| Orixe |  Estados Unidos |
| Orzamento | 550 000 dólares |
| Recadación | 2,5 millóns de dólares[1] |
| Na rede | |
          | |
O filme converteuse nun éxito de crítica cun moderado éxito comercial. Foi candidato a cinco premios Oscar, incluíndo o de mellor director e gañou dous, mellor actriz para Anne Bancroft e mellor actriz secundaria para Patty Duke.
ArgumentoEditar
A moza Helen Keller (Patty Duke), cega e xorda dende a nenez debido a un caso grave de febre escarlata, está frustrada pola súa incapacidade de comunicarse e como consecuencia ten frecuentes arrebatos violentos e incontrolables. Incapaz de tratar con ela, os seus proxenitores, aterrados e sen axuda, contactan coa Perkins School for the Blind como asistencia. A institución envía a Anne Sullivan (Anne Bancroft), antiga estudante, para que acuda ao fogar dos Keller e sexa a súa titora. O que sucede é unha batalla de vontades cando Anne rompe os muros de silencio e escuridade de Helen mediante perseveranza, amor e pura tenacidade. No medio da batalla, Anne ensina a Helen a conectar con ela.
ElencoEditar
- Anne Bancroft como Anne Sullivan
- Patty Duke como Helen Keller
- Victor Jory como Captain Arthur Keller
- Inga Swenson como Kate Keller
- Andrew Prine como James Keller
- Kathleen Comegys como Aunt Ev
- Beah Richards como Viney (sen acreditar)
- Jack Hollander como Mr. Anagnos (sen acreditar)
- Michael Darden como Percy (sen acreditar)
- Dale Ellen Bethea como Martha (sen acreditar)
- John Bliss como Admissions Officer (sen acreditar)
- Judith Lowry como 1st Crone (sen acreditar)
- William F. Haddock como 2nd Crone (sen acreditar)
- Helen Ludlam como 3rd Crone (sen acreditar)
NotasEditar
- ↑ "The Miracle Worker, Box Office Information". IMDb. Consultado o 22 de xaneiro de 2013.
- ↑ Programación