Abrir o menú principal

Numeral partitivo

Un numeral partitivo indica a división dun todo, por exemplo, medio pan.

DefiniciónEditar

Un numeral pode ser cardinal, ordinal, múltiplo e partitivo. Un partitivo indica división dun todo en partes iguais: medio, terzo, cuarto etc.

ListaEditar

Os numerais partitivos posúen risco de xénero e número:

  • medio/a
  • terzo/a
  • cuarto/a
  • quinto/a
  • sexto/a
  • sétimo/a
  • oitavo/a
  • noveno/a
  • décimo/a
  • onceavo/a
  • doceavo/a
  • ...
  • centésimo/a
  • milésimo/a
  • millonésimo/a

Os demais fanse coa terminación -avo, por exemplo, a vinte e tresava parte da cidade.

Metade non é un partitivo senón un substantivo.

Medio tamén pode significar o espazo no que se desenvolve un feito (por exemplo, A cidade é un medio hostil para os animais.) ou o recurso para conseguir un fin (por exemplo, O libro segue a ser un medio didáctico esencial.).

Advertencia de usoEditar

Non se confunda "onceavo/a", "doceavo/a" e demais partitivos terminados en -avo con "undécimo/a", "duodécimo/a" etc. que son ordinais. É inapropiado utilizar *onceavo xogador para referirnos ao xogador número once dun equipo, que sería o undécimo xogador ou o décimo primeiro xogador.

Función sintácticaEditar

Os partitivos poden ter función pronominal (cando suplen a un nome) ou adxectiva (cando o acompañan). Exemplos:

  • Función pronominal:

Xa que che sobra pan, dáme medio.

  • Función adxectiva:

Merquei media fogaza.

Cando ten función adxectiva, algúns autores denomínano determinante.

Uso matemáticoEditar

Os partitivos úsanse para designar o denominador do que chamamos quebrado ou fracción en Matemáticas, é dicir, o número que se coloca abaixo en ¾ (tres cuartos) ou ½ (un medio). As fraccións tamén poden ter función pronominal ou adxectiva. Neste último caso, concordan co nome que acompañan, por exemplo, tres cuartas partes do camiño.

Véxase taménEditar