Nilo Cea Rodríguez
Nilo Cea Rodríguez, nado en Melide en 1911 e finado no mesmo concello o 27 de outubro de 1992, foi un mestre, escritor e debuxante galego.
| Biografía | |
|---|---|
| Nacemento | 1911  Melide, España |
| Morte | 27 de outubro de 1992 (80/81 anos) Melide, España |
| Datos persoais | |
| País de nacionalidade | España |
| Actividade | |
| Ocupación | mestre , escritor , debuxante |
Traxectoria editar
Fillo de Domingo Antonio Cea Costoya, mestre de Melide, e Leonor Rodríguez. Mestre de Furelos. Co golpe de Estado do 18 de xullo de 1936 foi represaliado. Abríronlle expediente de responsabilidades políticas en 1942.[1] Cultivou a poesía e a prosa (contos de nenos e de escola e narracións costumistas) sempre en galego. Tamén foi debuxante, caricaturista e tallista en madeira. Finou en Melide o 27 de outubro de 1992.[2]
Obras editar
Entre as súas obras figuran os contos de escola A Escola, o escolante e máis os rapaces da aldea e Contos do Mariano (en prosa) e Contos recolleitos e contos discurridos postos en verso (poemas).
Recoñecementos editar
Unha rúa de Melide leva o seu nome.
Vida persoal editar
Casou con Matilde Concepción Sánchez Reboredo.
Notas editar
- ↑ BOE, 15-9-1942, p. 3618-3619.
- ↑ Necrolóxica en La Voz de Galicia, 28-10-1992, p. 65.