Naturgy

Naturgy
Tipo	negocio, empresa e empresa de capital aberto
Data de fundación	1991
Presidente/a	Francisco Reynés (en) (2018-)
Director/a	Francisco Reynés
Nº de empregados	6.690
Organización subsidiaria	Nedgia
Sede	Madrid
País	España
Na rede
	https://www.naturgy.com/ e https://www.naturgy.es/
	[ editar datos en Wikidata ]

Naturgy (anteriormente, Gas Natural Fenosa), cuxo nome legal é Naturgy Energy Group, S. A. (NEGSA), é unha empresa española que opera nos sectores eléctrico e gasístico. A súa sede operativa está en Barcelona, mentres que o seu domicilio social sitúase en Madrid.^[1] O seu actual presidente executivo é Francisco Reynés.

Naturgy é unha das tres grandes compañías do sector eléctrico en España, que xunto a Endesa e Iberdrola, dominan en torno ao 90 % do mercado eléctrico nacional.^[2] Naturgy desenvolve actividades de aprovisionamento, xeración, distribución e comercialización de electricidade e gas natural.

En 2021 estivo entre as 10 empresas que emitiron máis toneladas equivalentes de CO₂ en España con 4,9 Mt.^[3]

Distribución de gas e electricidade editar

Distribución de gas editar

Naturgy distribúe gas natural no mercado doméstico-comercial (fogares e comercios que utilizan o gas natural como combustible en caldeiras de auga, calefacción ou na cociña), e no mercado industrial de grandes clientes que utilizan o gas como combustible nos seus procesos industriais.

A compañía controla por completo o mercado de distribución español, onde vende o gas natural a 5 millóns de clientes de máis de mil municipios. O seu segundo mercado é Italia, con máis de 400 000 clientes. Ao outro lado do Atlántico, é o primeiro operador de distribución de gas natural de Iberoamérica, con presenza en Arxentina, Brasil, Colombia e México, onde suman máis de 6 millóns de clientes.

Distribución de electricidade editar

A compañía realiza a actividade de distribución eléctrica en España, Moldavia e Latinoamérica. Un dos principais negocios de Naturgy, é a distribución de electricidade a pequenos usuarios, tanto a consumidores residenciais, como a pemes e grandes empresas. En España opera como Unión Fenosa Distribuidora.

Notas editar

↑ Comisión Nacional del Mercado de Valores (7 de outubro de 2017). "Comunicación de Hecho Relevante: Cambio del domicilio social de Gas Natural Fenosa".
↑ "Endesa, Iberdrola y Gas Natural ganan cuota en el mercado doméstico". 6 de maio de 2013.
↑ "Descarbonización 2022". Observatorio de Sostenibilidad. 1 de outubro de 2022. Consultado o 6 de novembro de 2022.

Véxase tamén editar

Ligazóns externas editar

[1] Comisión Nacional del Mercado de Valores (7 de outubro de 2017). "Comunicación de Hecho Relevante: Cambio del domicilio social de Gas Natural Fenosa".

[2] "Endesa, Iberdrola y Gas Natural ganan cuota en el mercado doméstico". 6 de maio de 2013.

[3] "Descarbonización 2022". Observatorio de Sostenibilidad. 1 de outubro de 2022. Consultado o 6 de novembro de 2022.

[1]

[2]

[3]