Mosteiro de Geghard

Mosteiro de Geghard
	Vista aérea do mosteiro.
	; Mosteiro de Geghard
Patrimonio da Humanidade - UNESCO
País	Armenia
Localización	provincia de Kotayk
Tipo	Cultural
Criterios	ii
Inscrición	2000 (XXIV edición)
Rexión da UNESCO	Europa
Identificador	960
	v; c; e;

Coordenadas: 40°08′26″N 44°49′07″L / 40.140468, 44.818594

O mosteiro de Geghard (en armenio: Գեղարդ: que quere dicir "lanza") é un mosteiro medieval na provincia de Kotayk, en Armenia. O mosteiro está parcialmente tallado na montaña adxacente, rodeado de cantís. No ano 2000, foi catalogado como Patrimonio da Humanidade pola UNESCO,^[1] gozando dun status de protección especial.^[2]

Este artigo amosa escritos armenios. Sen o soporte axeitado, o texto pode mostrar símbolos sen sentido, coma caixas, marcas e outros.

A capela principal foi construída en 1215, mais o complexo do mosteiro foi fundado no século IV por Gregorio o Iluminador no lugar dun manancial sagrado dentro dunha cova. O mosteiro fora chamado orixinalmente Ayrivank (Այրիվանք), que significa "o Mosteiro da Cova". O nome máis común usado hoxe para o mosteiro, Geghard, ou Geghardavank (Գեղարդավանք), que significa "o Mosteiro da Lanza", procede da lanza que feriu a Xesús na Crucifixión, supostamente traído a Armenia polo Apóstolo Xudas Tadeu, e gardada entre moitas outras reliquias. Agora móstrase no tesouro de Echmiadzin.