Memorial Cholo Armada
O Memorial Cholo Armada é unha competición de vela para embarcacións da clase internacional snipe que se disputa en Vigo, Galicia dende 2007, organizada polo Real Club Náutico de Vigo.
Historia editar
O Real Club Náutico de Vigo celebra anualmente esta competición en homenaxe a Ángel Armada, coñecido como "Cholo Armada", destacado regatista do club, que tamén foi directivo da entidade e presidente da federación galega de vela. A súa traxectoria deportiva, con tres campionatos de España da clase snipe (1960, 1966 e 1968), un subcampionato de Europa (1960), catro copas de S.A.R. o Príncipe de Asturias (1969, 1971, 1975 e 1979), ademais de infinidade de vitorias noutras competicións, convertérono no deportista máis destacado da historia do club vigués. Despois do seu falecemento, en outubro de 2006, creouse este trofeo memorial, facendo coincidir a súa primeira edición coa celebración do VII Trofeo Luso-Galaico, en marzo de 2007.
Formato de competición editar
Dispútase en dous días e consta de catro probas.
O trofeo para o patrón vencedor foi doado pola familia Armada, e entrégase en interinidade. Adxudicarase en propiedade a quen que o gañe en tres edicións consecutivas ou cinco alternas.
Palmarés editar
Ano | Iate | Patrón / Proeiro | Frota |
2007 | Martín Bermúdez de la Puente/ Carmen Vergara | Liceo Casino de Vilagarcía de Arousa | |
2008 | Diogo Pereira / Mafalda Barros de Pereira | Associação Naval de Lisboa | |
2009 | Faro Fino | Tiago Roquette / Joaquim Moreira | Sport Club do Porto |
2010 | Vías | Jaime Miranda Osset / Pablo Ríos | Real Club Náutico de Vigo |
2011 | Solventis | Manuel Bermúdez de Castro Muñoz / David González Gosende | Club Náutico de Ribadeo |
2012 | Atún | Roberto Vidal / José Ramón Pardo | Real Club Náutico da Coruña |
2013 | Wifi Vilanova | Bernardo Paz Docampo / Óscar Gómez Oliveira | Liceo Casino de Vilagarcía de Arousa |
2014 | Cobra Mor | Miguel Guimaraes / David Abecasis | Clube Naval da Horta |
2015 | Testa Matta | Juan Deben Tiscar / Gerardo Prego Menor | Liceo Casino de Vilagarcía de Arousa |
2016 | Persson | Jordi Triay / Lluis Mas | Club Marítimo de Mahón |