Melvin Burgess
Melvin Burgess, nado o 25 de abril de 1954, é un autor británico de literatura infantil e xuvenil.
| Biografía | |
|---|---|
| Nacemento | 25 de abril de 1954  (69 anos)Twickenham, Reino Unido (pt)  |
| Datos persoais | |
| País de nacionalidade | España Reino Unido |
| Actividade | |
| Ocupación | escritor , novelista , escritor de literatura infantil |
| Período de actividade | 1990 - |
| Lingua | Lingua inglesa |
Premios
| |
| Páxina web | melvinburgess.net |
    | |
Traxectoria editar
Creceu en Sussex e Berkshire. Despois de rematar a escola trasladouse a Bristol, onde adoitaba non ter emprego ou traballar na industria da construción. Escribía de cando en vez aínda que sen éxito. En 1983 trasladouse a Londres, onde coñeceu á súa compañeira, a bailarina Avis von Herder, e comezou un pequeno negocio de tecidos para a industria da moda.
O seu primeiro libro, The Cry of the Wolf, foi publicado en 1990. Gañou certa notoriedade en 1996 coa publicación da novela Junk, que foi lanzada á sombra de Trainspotting, filme baseado na novela homónima de Irvine Welsh. Coma Trainspoting, Junk, traducida ó galego como Ionqui[1], trata aspectos relacionados coas modas e culturas no mundo da drogadicción xuvenil. É un dos libros xuvenís máis coñecidos en Gran Bretaña da década dos noventa.
Na actualidade, Melvin Burgess adícase á escritura a tempo completo e vive en Lancashire. Ten publicadas, entre outras, as seguintes obras dirixidas a un público xove: Baby and Fly Pie, Loving April, The Earth Giant, Tiger Tiger e Kite.
No 2001 Burgess escribiu a novelización do filme Billy Elliot, baseada no guión de Lee Hall.
No 2003 publicou outra novela igualmente controvertida Doing It, que trata o tema do sexo entre adolescentes. Noutros libros tales como Bloodtide e The Ghost Behind The Wall, Burgess atreveuse con temas menos realistas e ás veces fantásticos.
Notas editar
- ↑ Ficha da obra Arquivado 12 de setembro de 2019 en Wayback Machine. en BiTraGa. Traducida por María Reimóndez e publicada por Xerais na col. Fóra de Xogo, nº 33.