Max Fürbringer
Max Carl Anton Fürbringer, nado o 30 de xaneiro de 1846 en Wittenberg, Reino de Saxonia e finado o 6 de marzo de 1920 en Heidelberg, foi un anatomista alemán.
  | |
| Nome orixinal | Max Carl Anton Fürbringer |
|---|---|
| Biografía | |
| Nacemento | 30 de xaneiro de 1846 Lutherstadt Wittenberg |
| Morte | 6 de marzo de 1920 (74 anos) Heidelberg |
| Datos persoais | |
| País de nacionalidade | Alemaña |
| Formación profesional | Medicina, Doutor en Ciencias Naturais |
| Educación | Universidade de Jena, Universidade Humboldt de Berlín |
| Actividade | |
| Lugar de traballo | Heidelberg |
| Ocupación | biólogo , profesor universitario , anatomista , ornitólogo , paleontólogo |
| Empregador | Universidade de Ámsterdam, Dutch ordinary professor (en)  . Faculteit der Geneeskunde (en) (1879–1888) Universidade de Jena Universidade de Heidelberg |
| Membro de | |
| Lingua | Lingua alemá |
| Obra | |
| Abreviatura do autor en zooloxía | Fürbringer |
| Familia | |
| Irmáns | Paul Fürbringer (pt) |
| Premios | |
| Véxase o texto | |
Traxectoria editar
Fürbringer comezou a estudar Ciencias Naturais en Jena, estudos que continuou en Berlín, doutorándose alí en 1869 cunha tese sobre Zooloxía. Desempeñando un posto de axudante de Karl Gegenbaur en Jena, este animouno a estudar Medicina. En 1873 aceptou unha chamada da Universidade de Heidelberg, onde foi habilitado para imparir docencia en Anatomía en 1877, e foi nomeado profesor asociado en 1879.
En 1879 foi nomeado profesor titular en Ámsterdam, e en 1888 recibiu a cátedra de Anatomía da Universidade de Jena. En 1901 foi nomeado director do Instituto Anatómico da Universidade de Heidelberg.[1]
En 1881 foi elixido membro da Leopoldina.[2]
Publicou os seus estudos de anatomía comparada en Untersuchungen zur Morphologie und Systematik der Vögel, 1888.
Describiu, entre outros taxons, a orde dos podicipediformes e a suborde dos anguimorfos.
En 1912 retirouse e morreu o 6 de marzo de 1920 en Heidelberg.
Principais obras editar
- Die Knochen und Muskeln der Extremitäten bei den schlangenähnlichen Sauriern, 1870.
- Untersuchungen zur Morphologie und Systematik der Vögel (2 volumes), 1888.
- Zur Entwicklung der Amphibienniere, 1877.
- Über die occipitalen Nerven d. Selachier und Holocephalen und ihre vergleichende Morphologie en der Festschrift für Carl Gegenbaur III, 1897, pp. 351-768.
- Zur Systematik und Genealogie der Reptilien, Beitrag, 1900.
- Zur Frage der Abstammung der Säugetiere, 1904.
- Die spino-occipitalen Nerven.
- Zur vergleichenden Anatomie der Schultermuskeln und des Brustschulterapparates.
- Morphologische Streitfragen.
Distincións editar
Foi membro das Academias:
- Leopoldina
- Academia Prusiana das Ciencias
- Academia de Ciencias de Baviera
- Real Academia de Artes e Ciencias dos Países Baixos
- Academia de Ciencias e Humanidades de Heidelberg
Abreviatura editar
A abreviatura Fürbringer emprégase para recoñecer a Max Fürbringer como autoridade na desrición e taxonomía en zooloxía.
Notas editar
- ↑ L. K. Nyhart (2003): "The importance of the "Gegenbaur school" for German morphology". En: Theory in Biosciences 122: 162–173.
- ↑ Max Fürbringer Arquivado 17 de maio de 2021 en Wayback Machine. na páxina web da Leopoldina.