Mauro Varela Fernández
Mauro Varela Fernández, nado en Lugo cara a 1905 e finado na mesma cidade o 14 de xullo de 1986, foi un avogado galego.
| Biografía | |
|---|---|
| Nacemento | 1905  Lugo, España |
| Morte | 14 de xullo de 1986 (80/81 anos) Lugo, España |
| Datos persoais | |
| País de nacionalidade | España |
| Actividade | |
| Ocupación | avogado |
| Lingua | Lingua castelá |
| Familia | |
| Fillos | Mauro Varela Pérez |
| Pai | Benigno Varela Pérez |
Traxectoria editar
Fillo de Benigno Varela Pérez. Avogado. Na Segunda República foi xuíz municipal de Lugo en xuño de 1931.[1] Estivo afiliado ao PSOE e foi membro da loxa Lucus nº 5. Logo do golpe de Estado do 18 de xullo de 1936, en 1937 sufriu detención no seu domicilio ata febreiro de 1938, acusado de masón. Foi procesado no sumario 965/44 polo Tribunal para la Represión de la Masonería y el Comunismo, foi condenando a 12 anos e un día de reclusión menor, e en 1948 o Consello de Ministros conmutoulle a pena pola sanción de inhabilitación para cargos políticos e sindicais. Finou en Lugo o 14 de xullo de 1986 con 80 anos.[2]
Vida persoal editar
Casou con Eva Pérez Fernández e foi pai de Mauro Varela Pérez.