Mathurin Jacques Brisson

Mathurin Jacques Brisson, nado o 30 de abril de 1723 en Fontenay-le-Comte, Baixo Poitou, Francia (hoxe no departamento da Vendée), e finado o 23 de xuño de 1806 en Croissy, cerca de Versailles, foi un zoólogo e filósofo francés, membro da Academia das Ciencias de Francia.

Mathurin Jacques Brisson

Biografía
Nacemento	30 de abril de 1723 Fontenay-le-Comte, Francia
Morte	23 de xuño de 1806 (83 anos) París, Francia
Residencia	Francia
Educación	Universidade de Poitiers (pt)
Actividade
Campo de traballo	Filosofía, zooloxía e física
Lugar de traballo	París
Ocupación	biólogo, físico, zoólogo, entomólogo, ornitólogo, filósofo
Membro de	Academia francesa das ciencias (1759–)
Obra
Abreviatura do autor en zooloxía	Brisson
Descrito pola fonte	Biblioteca dixital BEIC Obálky knih, Dicionario Enciclopédico Brockhaus e Efron

Traxectoria

Brisson estudou de 1737 a 1738 na escola de Fontenay e preparou un bacharelto de teoloxía en Poitiers. Pero non estaba destinado a facer unha vida ordenado e, grazas ao seu parentesco con R. A. F. de Réaumur (1683-1757), do que foi axudante, dedicouse ao estudo da historia natural. As súas principais obras nesta etapa foron Le Règne animal (1756) e Ornithologie (1760).

Foi profesor de filosofía natural (o que hoxe se coñece como física) no Colexio de Navarra de París, e entrou na Academia das Ciencias de Francia en 1759. Foi conservador do gabinete de curiosidades de Réaumur. Desexando competir coa Histoire naturelle de Buffon (1707-1788), emprende a publicación dunha grande obra zoolóxica. Traduce Le Système du Règne animal de Jakob Theodor Klein (1685-1759) en 1756, pero foi sobre todo a súa Ornithologie a que supuxo unha etapa importante no estudo científico das aves. Esta obra apareceu antes da Histoire naturelle des oyseaux de Buffon.

A comezos do ano 1806 sofre un severo ataque de apoplexía. A súa memoria quedou tan afectada que esqueceu falar en francés, recordando unicamente unhas poucas palabras do seu idioma materno, o poitevino. Pouco máis tarde, o 23 de xuño, morreu en Croissy, cerca de Versalles.

Principais obras

• Regnum animale in classes IX distributum sive Synopsis methodica. Haak, París, Leiden 1756–1762
• Ornithologia sive Synopsis methodica sistens avium divisionem in ordines, sectiones, genera, species, ipsarumque varietates. Bauche, París, Leiden 1760–1763
• Supplementum Ornithologiæ sive Citationes, descriptionesque antea omissæ & species de novo adjectæ, ad suaquaque genera redactæ. París 1760
• Lettres de deux Espagnols sur les manufactures. Vergera 1769
• Dictionnaire raisonné de physique. Thou, París 1781–1800
• Observations sur les nouvelles découvertes aërostatiques. Lamy, París 1784
• Pesanteur spécifique des corps. Ouvrage utile à Histoire Naturelle, à la Physique, aux Arts & au Commerce. l'imprimerie royale, París 1787
• Traité élémentaire ou Principes de physique. Moutard & Bossange, París 1789–1803
• Trattato elementare ovvero Principi di fisica. Grazioli, Florenz 1791
• Die spezifischen Gewichte der Körper. Leipzig 1795
• Suplemento al Diccionario universal de física. Cano, Madrid 1796–1802
• Principes élémentaires de l'histoire naturelle et chymique des substances minérales. París 1797
• Anfangsgründe der Naturgeschichte und Chemie der Mineralien. Mainz 1799
• Instruction sur les nouveaux poids et mesures. París 1799
• Elémens ou Principes physico-chymiques. Bossange, París 1800
• Elements of the natural history and chymical analysis of mineral substances. Ritchie, Walker, Vernor & Hood, Londres 1800
• Tratado elemental ó principios de física. Madrid 1803–1804

Abreviatura

A abreviatura Brisson emprégase para indicar a Mathurin Jacques Brisson como autoridade na descrición e taxonomía en zooloxía.

Véxase tamén

Bibliografía

• Jean Dhombres (dir.) (1995): Aventures scientifiques. Savants en Poitou-Charentes du XVIe au XXe siècle. Poitiers, Francia: Les éditions de l’Actualité Poitou-Charentes. ISBN 2-911320-00-X.
• Michael Walters (2003): A Concise History of Ornithology. New Haven, Connecticut, USA: Yale University Press. ISBN 0-300-09073-0.

Ligazóns externas

• Ornithologie ou méthode contenant la division des oiseaux. Mathurin Jacques Brisson, 1760. En AREHN (Agence régionale de l'environement de Haute-Normandie (en francés) Consultada o 23 de marzo de 2014.