Maroxo, Arzúa
Santa María de Maroxo é unha parroquia que se localiza no sur do concello coruñés de Arzúa na comarca de Arzúa. Segundo o padrón municipal de 2018 tiña 74 habitantes (43 homes e 31 mulleres) distribuídos en 10 entidades de poboación, o que supón unha diminución en relación ao ano 1999 cando tiña 126 habitantes.
| Maroxo | |
|---|---|
 Igrexa de Santa María de Maroxo. | |
| Concello | Arzúa[1] |
| Provincia | A Coruña |
| Coordenadas | 42°53′15″N 8°08′50″O / 42.88759932, -8.14734685 |
| Área | 4,4 km² |
| Poboación | 74 hab. (2018) |
| Densidade | 16,82 hab./km² |
| Entidades de poboación | 19[1] |
| [ editar datos en Wikidata ] | |
Toponimia
editarEste artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
A orixe toponímica é dubidosa, se ben se aceptan como posibles varias teorías, entre as máis destacadas están o antropónimo "Maro" de orixe celta e a súa posterior latinización como "Marogium", que rematou desembocando en "Maroxo". Outra orixe podería ser "Marouço", que vén do portugués, significando "monte empedrado preparado para o cultivo".[2]
Patrimonio
editar- A igrexa parroquial de Santa María de Maroxo (pertencente á diocese de Santiago de Compostela) é un templo que data do século XIX, de estilo románico, que consta dunha soa nave e tellado a dúas augas. Está rodeada por un atrio-cementerio pechado por un muro de cachotaría e unha cancela de ferro. O edificio está construído con cachotaría, con elementos de granito en marqueados e esquinas das paredes. Ten unha sancristía acaroada á ábsida no lado esquerdo, e un retablo que data do tamén século XIX, así coma un arco de medio punto que apuntala e estreita a parte do prebisterio do resto da nave. Consta tamén de forxados, tribuna e teitume de cemento armado.[3]
- Casa grande de Maroxo.
Lugares e parroquias
editarLugares de Maroxo
editar| Lugares da parroquia de Maroxo no concello coruñés de Arzúa | |
|---|---|
|
A Cal | Castrillón | Cima de Vila | O Escalleiro | Fondevila | Fonte da Vila | Fontelas | A Igrexa | Maroxo de Abaixo | Maroxo de Arriba | Masusao | O Outeiro | A Pena | O Penedo | O Pumar | San Miguel | San Migueliño | O Vilar | A Xunqueira |
Parroquias de Arzúa
editar
Notas
editar- ↑ 1,0 1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
- ↑ "Decreto 7/2000, do 7 de xaneiro, polo que se determinan os nomes oficiais das parroquias pertencentes ós concellos de Aranga, Arzúa, Bergondo, Carnota, Cedeira, Cerdido, Coirós, Culleredo, Fisterra, Muros, A Pobra do Caramiñal, Vilarmaior e Vimianzo (provincia da Coruña)." (PDF). DIARIO OFICIAL DE GALICIA nº 16 Martes, 25 de xaneiro de 2000 (páxina 1012). Consultado o 14/03/2024.
- ↑ "Ficha identificativa do ben denominado Igrexa parroquial de Santa María de Maroxo.". Documento oficial do Inventario do Patrimonio Inmoble de Galicia. 1995. Consultado o 14/03/2024.
Véxase tamén
editarOutros artigos
editarLigazóns externas
editar- Gonzo (13 de outubro de 2018). "Maroxo; da villae romana ao Pazo da Torre. A historia dunha parroquia galega. Primeira parte". A Nosa Historia.
- Gonzo (23 de marzo de 2019). "Maroxo; da villae romana ao Pazo da Torre. A historia dunha parroquia galega. Segunda parte". A Nosa Historia.