Manuel Torres Agrelo
Manuel Torres Agrelo, nado na Estrada, foi un agrarista e político galego.
| Manuel Torres Agrelo | |
|---|---|
| Nacemento | século XIX |
| Lugar de nacemento | A Estrada |
| Falecemento | século XX |
| Nacionalidade | España |
| Ocupación | político |
| [ editar datos en Wikidata ] | |
Traxectoria Editar
Fillo de André Torres González (de Callobre) e Manuela Agrelo Porto. Emigrou a Nova York e retornou definitivamente a principios do século XX, instalándose na Estrada, desfrutando dunha posición económica desafogada. Construíu un serradoiro en Callobre. Próximo a Antón Losada Diéguez e presidente da Asociación Agrícola de Pardemarín, foi un dos líderes do momento inicial do movemento agrarista da Estrada. Presentouse ás eleccións municipais en 1907 resultando elixido. Presidiu a Federación de Sindicatos Agrícolas Estradenses constituída en decembro de 1908. Foi membro da Irmandade Nazonalista Galega.
Colaborou en El Emigrado. Durante a ditadura de Primo de Rivera foi o líder da Unión Patriótica da Estrada e deputado provincial. Ao final da ditadura participou en actos de propaganda republicana.
Vida persoal Editar
Casou con Dora Emmons Plat que faleceu en Nova York en 1903 e coa que tivo unha filla, Manuela Torres Emmons, nada en Nova York o 23 de agosto de 1895. Casou en segundas nupcias en Santiago de Compostela con Felisa Pena Recarei o 10 de outubro de 1904.[1]
Notas Editar
Véxase tamén Editar
Bibliografía Editar
- Porto Rico, Damian (2009). "Catálogo da colección Ramos Vázquez, 1785-1956. II" (PDF). A Estrada Miscelanea Historica e Cultural (12): 103–118. Consultado o 14 de setembro de 2013.
- Garrido Couceiro, X. Carlos; Lago Peñas, Pedro; Martinez Barreiro, Manuel (1999). Universidade de Santiago de Compostela, ed. "Entre el clientelismo y la mobilización. El municipio pontevedrés de A Estrada en la primera década del siglo XX" (PDF). RIPS. Revista de Investigaciones Políticas y Sociológicas 1 (2): 103–118. Consultado o 10 de maio de 2013.