Manuel Saco Pradeda

Manuel Saco Pradeda, nado en Vila de Mouros (O Incio) e finado en Sarria o 14 de abril de 1937, foi un avogado e político galego.

Manuel Saco Pradeda

Biografía
Nacemento	século XIX Vila de Mouros, España
Morte	14 de abril de 1937 Sarria, España
Datos persoais
País de nacionalidade	España
Actividade
Ocupación	avogado , político
Lingua	Lingua galega
Familia
Fillos	Manuel Saco Rivera

Traxectoria

Foi xuíz municipal de Sarria e representante de Pepe Benito na comarca nas primeiras décadas do século XX. Combativo durante a ditadura de Primo de Rivera, seguiu manexando os fíos da política local. Nos meses previos ao alzamento militar, o seu compromiso coa CEDA e os enfrontamentos e desacordos co concello, supuxeron o apedramento da súa casa e a destrución do mobiliario do Casino, e deron lugar a varias causas xudiciais contra sarriaos de esquerdas. Despois da sublevación do 18 de xullo de 1936, a través da actuación do seu fillo Manuel Saco Rivera en Burgos, mantivo a colaboración coas autoridades do novo Estado.

Vida persoal

Casado con María Purificación Rivera López, era dono da Casa forte de Guerra ou Casa dos Saco Quiroga en Vila de Mouros.

O seu irmán, Pedro Sacro Pradeda, foi médico de asistencia domiciliaria, destacando pola súa filantropía, facéndose acredor do agradecemento dos sarriaos, que na década de 1950 lle dedicaron unha rúa.

Véxase tamén

Ligazóns externas

• Xaime López Arias (9 de outubro de 2004). "Case un século de política local". La Voz de Galicia.