Manuel Sánchez Arcas

Manuel Sánchez Arcas, nado en Madrid en 1897 e finado en Berlín en 1970, foi un arquitecto e urbanista español.

Manuel Sánchez Arcas

Biografía
Nacemento	1897 Madrid, España
Morte	1970 (72/73 anos) Berlín, Alemaña
Datos persoais
País de nacionalidade	España
Educación	Universidade Politécnica de Madrid Escola Técnica Superior de Arquitectura de Madrid
Actividade
Ocupación	arquitecto
Membro de	Real Academia de Bellas Artes y Ciencias Históricas de Toledo (en)
Lingua	Lingua castelá

Mercado de Abastos de Alxeciras, obra de Manuel Sánchez Arcas e Eduardo Torroja.

Fachada principal do Edificio Rockefeller en Madrid.

Traxectoria

Obtivo o título de arquitecto pola Escola Técnica Superior de Arquitectura de Madrid en 1921. Ampliou os seus estudos en Londres e traballou con Secundino Zuazo. Con Eduardo Torroja fundou o Instituto Técnico de la Construcción y Edificación (actualmente Instituto de Ciencias de la Construcción Eduardo Torroja).

Trala Guerra civil española tivo que exiliarse en Rusia e Polonia onde traballou nos proxectos de reconstrución de Varsovia. Máis tarde trasladouse a Berlín, na República Democrática de Alemaña, onde faleceu.

Obras destacadas

• Gañou o concurso para levar a cabo o Hospital Provincial de Toledo (1926-1931), e o concurso para construír o Instituto Nacional de Física y Química da Fundación Rockefeller (o chamado Edificio Rockefeller, 1927-1932), ámbolos dous xunto a Luis Lacasa.
• Entre 1932 e 1936 proxectou e realizou o Pabellón de Gobierno, a Central Térmica da Cidade Universitaria de Madrid e o Hospital Clínico Universitario San Carlos da Cidade Universitaria de Madrid, obras en colaboración co enxeñeiro Eduardo Torroja, co que tamén colaborou no Mercado de Abastos de Alxeciras (1933-35).

Premios

• Premio Nacional de Arquitectura de España de 1932 xunto a Eduardo Torroja polo proxecto da Central Térmica da Cidade Universitaria.