Manuel Fernández Anidos
Manuel Fernández Anidos, nado en Narón o 9 de maio de 1972 é un exfutbolista galego máis coñecido como Manel Fernández, que xogaba na demarcación de centrocampista. Fillo do tamén futbolista Manuel Fernández Amado.
| Manel Fernández | |||
|---|---|---|---|
| Información persoal | |||
| Nome | Manuel Fernández Anidos | ||
| Nacemento | 9 de maio de 1972 (51 anos) | ||
| Lugar de nacemento | Narón | ||
| Posición | Centrocampista | ||
| Carreira xuvenil | |||
| Racing de Ferrol | |||
| 1991-1993 | Celta de Vigo B | ||
| Carreira sénior | |||
| Anos | Equipos | Aprs | (Gls) |
| 1993-1994 | Celta de Vigo | 1 | (0) |
| 1994-1996 | Racing de Ferrol | ||
| 1996-1998 | Elche CF | ||
| 1998-2003 | Racing de Ferrol | 160 | (26) |
| 2003-2004 | Cerceda | ||
| 2004-2006 | Viveiro CF | ||
| 2006-2008 | Narón Balompé Piñeiros | ||
| Selección nacional | |||
| 1993 | Selección española sub-21 | 4 | (0) |
|
Partidos e goles só en liga doméstica. [ editar datos en Wikidata ] | |||
Traxectoria editar
Comezou a xogar a fútbol na escola Os amigos d'A Malata, de onde pasou ao equipo xuvenil do Racing de Ferrol e de aí ao filial do Celta de Vigo de Terceira División en 1991.
Tras dúas boas tempadas no Celta de Vigo B realiza a pretempada 1993/94 co primeiro equipo baixo as ordes de Txetxu Rojo, ese mesmo ano tamén debutaría coa Selección de fútbol sub-21 de España da man de Javier Clemente. Porén a súa experiencia co Celta en competición oficial limítase ao encontro de debut, ante o FC Barcelona, e catro encontros na Copa do Rei, torneo no que o equipo acadaría o subcampionato.
Ao remate desa tempada deixaría o Celta e volvería ao Racing de Ferrol, por aquel entón en Segunda División B. Dous ano despois probou sorte no Elche CF, co que conseguiu o ascenso a Segunda División, a pesar de que no seu segundo e último ano no equipo descenderon outra vez. Pasados eses dous anos volver ao Racing para xogar cinco tempadas, ao remate da segunda das cales o equipo acadou o ascenso á categoría de prata.
No ano 2003 fichou polo Centro Cultural e Deportivo Cerceda e ao ano seguinte polo Viveiro CF. Finalmente fichou en 2006 polo Narón Balompé Piñeiros, onde se retirou en 2008.