Mad Men

serie de televisión estadounidense

Mad Men é unha serie de televisión estadounidense creada por Matthew Weiner e producida por Lionsgate Television. A serie emitiuse orixinalmente na canle de televisión por cable AMC dende 2007 até 2015, durando sete tempadas e 92 episodios.[1] Está ambientado entre marzo de 1960 até novembro de 1970.

Mad Men
FormatoDrama
Creado porMatthew Weiner
Desenvolvido por
Intérpretes
Tema de apertura"A Beautiful Mine" (instrumental)
de RJD2
País de orixeEstados Unidos de América Estados Unidos
Lingua(s)Inglés
Temporadas7
Episodios92 (Lista de episodios)
Produción
Produtor(es)
executivo(s)
Localización(s)Os Ánxeles, California
Duración45-57 minutos
DistribuidorLionsgate Home Entertainment
Emisión orixinal
Canle de orixeAMC
Primeira emisión19 de xullo de 2007
Derradeira emisión17 de maio de 2015
Na rede
https://www.amc.com/shows/mad-men
IMDB: tt0804503 Filmaffinity: 596790 Allocine: 3400 Rottentomatoes: tv/mad-men Metacritic: tv/mad-men TV.com: shows/mad-men
Twitter: MadMen_AMC Netlix: 70136135Editar o valor em Wikidata
editar datos en Wikidata ]

Mad Men está ambientado inicialmente na axencia de publicidade ficticia Sterling Cooper, que se atopa en Madison Avenue en Manhattan, na cidade de Nova York, e posteriormente na firma Sterling Cooper Draper Pryce (despois renomeada Sterling Cooper & Partners), que se atopa preto de Time-Life Building no número 1271 da Sexta Avenida. Segundo o episodio piloto, a expresión "Mad men" era un termo coloquial acuñado na década de 1950 para referirse ós publicistas de Madison Avenue, sendo "Mad" unha abreviación de "Madison". (En realidade, o único uso documentado da expresión antes da estrea da serie foi nos escritos de mediados dos 50 de James Kelly, un executivo e redactor de publicidade.)[2]

O personaxe principal da serie é o mullereiro executivo de publicidade Don Draper (interpretado por Jon Hamm), que nun principio é o talentoso director creativo de Sterling Cooper, e posteriormente convértese en socio fundador de Sterling Cooper Draper Pryce. A trama rastrexa ás persoas na súa vida persoal e profesional. Segundo progresa o argumento, tamén se amosa o cambio da moral e da sociedade nos Estados Unidos ó longo da década de 1960.

Mad Men recibiu unha ampla aclamación por parte da crítica polo seu guión, actuación, dirección, estilo visual e autenticidade histórica; gañou numerosos premios, incluíndo 16 Emmys e 5 Globos de Ouro. A serie tamén foi a primeira produción da televisión por cable en recibir o Emmy á mellor serie dramática, gañando o premio cada ano das primeiras catro tempadas (2008–2011).[3] Está amplamente considerada como unha das mellores series de televisión de tódolos tempos,[4][5] e como parte da Idade Dourada da Televisión de comezos do século XXI.[6][7][8]

Notas editar

  1. Itzkoff, Dave (14 de maio de 2015). The New York Times, ed. "Matthew Weiner, the Creator of Mad Men Prepares for Another Fade to Black". Consultado o 17 de maio de 2015. 
  2. Frank, Thomas (22 de decembro de 2013). Salon.com, ed. "Ad absurdum and the conquest of cool: Canned flattery for corporate America". Consultado o 22 de decembro de 2013. 
  3. Joyce Eng (20 de setembro de 2009). TV Guide, ed. "Kristin Chenoweth, Jon Cryer Win First Emmys". Consultado o 20 de setembro de 2009. 
  4. Sepinwall, Alan (2 de abril de 2015). HitFix, ed. "How 'Mad Men' marked the end of one revolution and the start of another". Consultado o 6 de abril de 2015. 
  5. Thurm, Eric (2 de abril de 2015). Wired, ed. "Mad Men Is Back—And With it, the End of Great TV Dramas". Consultado o 6 de abril de 2015. 
  6. Lawson, Mark (23 de maio de 2013). The Guardian, ed. "Are we really in a 'second golden age for television'?". Consultado o 27 de outubro de 2019. 
  7. Saraiya, Sonia (18 de xullo de 2017). "‘Mad Men’ at 10: The Last Great Drama of TV’s Golden Age". Variety. Consultado o 16 de abril de 2020. 
  8. Thompson, Derek (3 de abril de 2015). "The Mad Men Effect: The Economics of TV's Golden Age". The Atlantic. Consultado o 16 de abril de 2020. 

Véxase tamén editar

Ligazóns externas editar