Músculo flexor curto dos dedos
O músculo flexor curto dos dedos, tamén chamado musculus flexor digitorum brevis, é un músculo do pé que flexiona o 2º ao 5º dedo do pé.
| Músculo flexor curto dos dedos | |
|---|---|
 | |
| Latín | [TA]: musculus flexor digitorum brevis |
| Orixe | Calcáneo |
| Inserción | 2.ª falanxe dos dedos 2º a 5º do pé |
| Vascularización | |
| Innervación | nervio tibial |
| Accións | Flexión da 2ª falanxe dos dedos 2º a 4º. |
| Antagonista | Músculo extensor longo dos dedos, músculo extensor curto dos dedos |
Inserción editar
Está situado na rexión da planta do pé por debaixo da aponeurose plantar. Orixínase no óso do calcáneo, concretamente no seu tubérculo interno e na escotadura que separa o tubérculo interno e o seu tubérculo externo. A partir desta inserción, forma un ventre muscular alongado que remata en 4 tendóns que se unen á 2ª falanxe do 2º, 3º, 4º e 5º dedos a ambos os dous lados (lateral e medial). Non ten tendón para o dedo gordo do pé que ten un músculo separado que realiza a mesma función, o músculo flexor curto do dedo gordo.
Función editar
A súa contracción provoca a flexión da segunda falanxe dos últimos catro dedos do pé, tamén colabora no mantemento do arco lonxitudinal ou anteroposterior do pé.[1]
innervación editar
Está innervado polo nervio plantar medial e lateral, ambas ramas do nervio tibial.
Notas editar
- ↑ Mariano Núñez-Samper Pizarroso, Luis Fernando Llanos Alcázar: Biomecánica, medicina y cirugía del pie, 2.ª edición, 2007, Masson, S.A., ISBN 84-458-1684-5 Consultado el 2 de abril de 2012.