Lynx (navegador)

Lynx
	A páxina de portada da Galipedia no navegador Lynx
Desenvolvedor(es)	Thomas Dickey
Última versión	2.8.7; (5 de xullo de 2009)
Repositorio	github.com/ThomasDickey/lynx-snapshots
Sistema operativo	Linux, Windows
Tipo	Navegador
Licenza	GNU GPL
Sitio web	https://lynx.invisible-island.net

Para outras páxinas con títulos homónimos véxase: Lynx (homónimos).

Para outras páxinas con títulos homónimos véxase: Lince (homónimos).

Lynx é un navegador web de só texto, isto é, non mostra os gráficos nin o formato das páxinas.

Lynx foi creado pola Universidade de Kansas para o seu sistema de información intra-campus, que corría sobre UNIX. Co tempo, converteuse nun cliente de gopher e finalmente nun navegador web. Lynx publícase baixo a licenza GNU e úsase cando os contidos son máis importantes que os gráficos e as conexión son lentas.

Características editar

Lynx é usado en terminais de cursor direccionable e celas de caracteres, ou emuladores de terminal (incluíndo terminais VT100 e paquetes de software para computadoras de escritorio que emulan terminais VT100, como Kermit ou Procomm. Orixinalmente foi desenvolvido para UNIX e VMS e aínda hoxe distribúese con varias distribucións de GNU/Linux. Oficialmente existen versións para Microsoft Windows (Windows 95 e posteriores), DOS, OS/2 e FreeBSD, AmigaOS, Atari TOS, BeOS entre outros tantos^[1]^[2]. As versións para Mac OS X son provistas por OSXGNU^[3].

A súa simplicidade facilita que un lector de pantalla traballe sobre este navegador, o que o converteu nunha opción para usuarios con problemas de visión ^[4]^[5]. Lynx tamén se usa para comprobar a usabilidade dun sitio web en navegadores web antigos^[6].

Para navegar con Lynx pódese seleccionar unha ligazón coas teclas de dirección ou, activando unha opción para numerar as ligazóns, ingresando o número de cada enlace. As versións actuais teñen soporte para varias características de HTML. Inclúe soporte para marcadores, cookies. O contido das táboas é mostrada en varias liñas de texto, onde o final de cada fila da táboa represéntase cun salto de liña. Os frames son identificados por un nome e navégase por eles coma se fosen páxinas independentes. Lynx pode mostrar arquivos locais e inclúe soporte para os protocolos Gopher, FTP, WAIS, NNTP, Finger, ou servidores cso/ph/qi, e servizos accesibles a través de conexións a contas telnet, TN3270 ou rlogin^[7]