Louredo, Maside

Para outras páxinas con títulos homónimos véxase: Louredo.

Louredo é unha parroquia do concello de Maside na comarca do Carballiño, na provincia de Ourense. Segundo o IGE en 2022 tiña 139 habitantes (72 homes e 67 mulleres), 84 menos ca en 1999.

Louredo
Igrexa de Santa María de Louredo.
Concello	Maside
Provincia	Ourense
Coordenadas	42°26′22″N 7°59′02″O
Poboación	139 hab. (2022)
Entidades de poboación	8
[ editar datos en Wikidata ]

Etimoloxía

O topónimo Louredo vén do latín lauretum (de laurum, "loureiro") máis o sufixo abundancial -etum, polo que é un fitónimo que fai referencia a un lugar onde hai dita planta.

Patrimonio

Igrexa románica do s. XII de importancia decorativa. Conta cunha ábsida semicircular na que se abren tres baleiros enmarcados por arcos de medio punto, esquema decorativo propio do románico rural e que se repite tamén na portada principal. No interior atópanse restos de decoración mural da época medieval. Tamén ten unha pía bautismal con figuras en relevo. Entre as esculturas cabe mencionar a de Santiago, San Mauro, San Rosendo, San Bieito e unha Virxe co neno.

Festas

As festas de Sta. María de Louredo festéxanse os días 24 e 25 de agosto de cada ano. Estas festas honran principalmente a S. Bartolomeu (24) e a S. Antonio (25). A noite do 24 ao 25, ás 24h, acostúmase a tirar fogos artificiais, na que, ao remate, aparecerá a imaxe de San Bartolomeu.

Fonte

Conta cunha fonte que data de 1952, que segue producindo auga procedente dun manancial, onde os veciños acostuman a coller auga. Nos meses de verán apenas produce auga.

Poboación

1999	223
2000	224
2001	218
2002	215
2003	215
2004	214
2005	207
2006	203
2007	200
2008	213
2009	206
2010	200
2011	190
2012	186
2013	174
2014	167
2015	164
2016	157
2017	146
2018	146
2018	137
2020	134
2021	135
2022	139

Galería de imaxes

• 
  Igrexa de Santa María de Louredo.
• 
  Igrexa de Santa María de Louredo.
• 
  Ábsida da igrexa de Santa María de Louredo.

Lugares e parroquias

Véxase tamén

Outros artigos

• Lugares de Maside