Litostomatea
Balantidium coli (Vestibulifera)
Balantidium coli (Vestibulifera)
Clasificación científica
Dominio: Eukaryota
Reino: Chromalveolata
(sen clasif.) Alveolata
Filo: Ciliophora
Clase: Litostomatea
Small & Lynn 1981
Ordes típicos

Subclase Haptoria
    Haptorida
    Pleurostomatida
Subclase Trichostomatia
    Vestibulifera
    Entodiniomorphida

Os Litostomatea son unha clase de protistas ciliados.[1] Ata tempos bastante recentes, a clase Litostomatea fora dividida en dous grupos, os Haptoria e os Trichostomatia. Porén, a nova información xenética obtida tivo como resultado a resurrección dunha terceira subclase, Rhynchostomatia, que fora proposta por A. W. Jankowski en 1980.[2] Os Haptoria inclúen principalmente a formas carnívoras, por exemplo Didinium, unha especie que depreda principalmente no ciliado Paramecium. Os Trichostomatia (tricostomos) son principalmente endosimbiontes no tracto dixestivo de vertebrados. Entre eles está a especie Balantidium coli, que é o único ciliado que parasita aos humanos. Os Rhynchostomatia inclúen dous xéneros de vida libre, que previamente formaban parte dos Haptoria, pero agora descubriuse que son xeneticamente distintos deles, os Dileptida e os Tracheliida.[3]

Os cilios corporais orixínanse en monocinetias, que teñen unha disposición estrutural característica do grupo. A zona oral é apical ou subapical. Nos tricostomos sitúase nunha depresión ou vestíbulo, que contén cilios somáticos modificados. Nunha orde, os Entodiniomorphida, os cilios están dispostos en penachos ou bandas, e poden estar unidos formando sincilios, que semellan as membranelas e os cirros de espirotricos (entre os cales estaban clasificados orixinariamente) e outros ciliados. Porén, non aparecen verdadeiros cilios compostos.

Nos Haptoria a boca está tipicamente rodeada por un anel de cilios coronais, que brotan de dicinetias derivadas da parte anterior das cinetias do corpo, e un anel de extrusomas característicos chamados toxicistos. Estes descargan en contacto coa presa, penetrándoa e inmobilizándoa, e empezando a súa dixestión. Nalgunhas formas a boca fórmase só durante a alimentación, e evaxínase para axudar á captura do alimento. A citofarinxe ten forma de tubo estreito, sostido por unha especie de bastonciños chamados nematodesmos, que se dilatan moito durante a inxestión. Esta estrutura denomínase rhabdos, e é funcional e estruturalmente distinta do cyrtos que presentan outras clases.

NotasEditar

  1. Gao S, Song W, Ma H; et al. (2008). "Phylogeny of six genera of the subclass Haptoria (Ciliophora, Litostomatea) inferred from sequences of the gene coding for small subunit ribosomal RNA". J. Eukaryot. Microbiol. 55 (6): 562–6. PMID 19120803. doi:10.1111/j.1550-7408.2008.00360.x. 
  2. Vd'ačný, Peter; et al. (May 2011). "Phylogeny and Classification of the Litostomatea (Protista, Ciliophora), with Emphasis on Free-Living Taxa and the 18S rRNA Gene". Mol Phylogenet Evol. 59 (2): 510–22. PMID 21333743. doi:10.1016/j.ympev.2011.02.016. 
  3. Vďačný, Peter; et al. (8 Jun 2011 (ahead of print)). "Morphological and molecular phylogeny of dileptid and tracheliid ciliates: Resolution at the base of the class Litostomatea (Ciliophora, Rhynchostomatia)". European Journal of Protistology 47 (4): 295–313. PMC 3234341. PMID 21641780. doi:10.1016/j.ejop.2011.04.006.