Listeriáceas

As Listeriáceas ou Listeriaceae son unha familia de bacterias grampositivas da orde Bacillales, cuxo xénero tipo é Listeria (nomeada en honor ao médico británico Joseph Lister), e que comprende tamén o xénero Brochothrix.

As especies do xénero Listeria poden encontrarse no chan, augas residuais, plantas e feces de seres humanos e animais sans. Brochothrix atópase principalmente no chan, carnes, herba e ensilados e carnes refrixeradas..

Características

Son bacilos. Aerobias ou anaerobias facultativas. Non forman esporas. Son positivas na probas da catalase e na reacción de Voges-Proskauer. As do xénero Brochothrix non son móbiles, pero as Listeria teñen mobilidade por flaxelos peritricos. As temperaturas óptimas para Brochothrix están entre 20 e 25 °C e para Listeria entre 30 e 37 °C.

Patoxenia

O principal patóxeno da familia é a Listeria monocytogenes que causa no home a listeriose. Listeria ivanovii e Listeria monocytogenes son parasitas de animais. Como Listeria monocytogenes e Brochothrix thermosphacta son tolerantes ao frío poden sobrevivir en alimentos refrixerados. B. thermosphacta pode estragar as carnes, pero non é patóxena para os humanos ou animais.

Véxase tamén

Bibliografía

• George Garrity (Hrsg.): Bergey's Manual of Systematic Bacteriology, Volume 3: The low G + C Gram Positives. 2ª edición. Springer-Verlag, Nova York u. a. O. 2008, ISBN 978-0-387-95041-9

Ligazóns externas

• Taxonomía do NCBI Listeriaceae