Grafila
A grafila dunha moeda é a parte elevada que rodea completamente o seu contorno por ambas as caras, o anverso e o reverso. Cómpre non confundila co canto da moeda, coñecido tamén como "terceira cara".[1][2][3][4] A grafila aparece adoito adornada con puntiños, liñas e outras figuras.[5][6][7]
,_Herat_mint.jpg)
Cando carece destes adornos e se limita a unha liña continua polo bordo exterior do disco denomínase adoito listel.[8][9]
Coa presenza da grafila redúcese o desgaste tanto dos motivos gravados como do propio campo ou parte lisa da moeda. Ademais da protección contra o desgaste, a grafila tamén ten como misión evitar a práctica fraudulenta do retallamento, mediante o cal, sobre todo antigamente nas moedas de prata e ouro, se lles extraían pequenas porcións de metal limando ou recortando os cantos.[1]
Notas editar
- ↑ 1,0 1,1 "Grafila". En Digalego. Dicionario de galego.
- ↑ "Grafila". En As partes dunha moeda. Portal das Palabras.
- ↑ "Gráfila". En Alfaro Asins, C. (2009).
- ↑ "What is the Difference Between the Edge and the Rim of a Coin?". The Spruce Crafts.
- ↑ "Gráfila de puntos". En Alfaro Asins, C. (2009).
- ↑ "Gráfila lineal". En Alfaro Asins, C. (2009).
- ↑ "Gráfila perlada". En Alfaro Asins, C. (2009).
- ↑ "Listel". En Alfaro Asins (2009).
- ↑ "Listel" no DRAG, no Portal das Palabras e en Digalego.
Véxase tamén editar
Bibliografía editar
- Alfaro Asins, C. et al. (2009). Diccionario de numismática. Ministerio de Cultura. Madrid. ISBN 978-84-8181-405-7