Lidia Senra

Lidia Senra Rodríguez, nada na Pobra do Brollón o 14 de xuño de 1958, é unha destacada sindicalista do agro galego. Foi membro da Executiva da Coordinadora Labrega Europea (CPE) durante catro anos.

Lidia Senra
Nacemento	14 de xuño de 1958
Lugar de nacemento	A Pobra do Brollón
Nacionalidade	España
Ocupación	política e sindicalista
Na rede
http://ageuropa.gal
[ editar datos en Wikidata ]

Traxectoria

Estudou o bacharelato en Monforte, e despois comezou a colaborar cos Comités de Axuda á Loita Labrega a mediados dos anos setenta. En 1984, durante o segundo congreso de Comisións Labregas, foi elixida responsable de organización e finanzas. Cinco anos máis tarde, en 1989, accede á secretaría xeral do Sindicato Labrego Galego durante o transcurso do terceiro congreso.

Lidia Senra participou en diversos encontros internacionais representando a Vía Campesina, movemento labrego mundial que agrupa organizacións de América, Asia, África e Europa. Ademais, interveu activamente nos tres foros sociais europeos celebrados en Florencia, París e Londres.

O padroado da Fundación Pedrón de Ouro escolleu a Lidia Senra como Pedrón de Ouro 2011, na súa 48ª edición.

No 2014 presentouse coma candidata, en representación de Anova, a deputada ás eleccións europeas do 25 de maio por Alternativa Galega de Esquerda en Europa: A esquerda plural e foi elixida deputada.

Libros

Obras colectivas

• 15-M: O pobo indignado, 2011, Laiovento.

Véxase tamén

Bibliografía

• Ledo Regal, Tareixa (2010). Laiovento, ed. Lidia Senra Rodríguez. A historia dun liderado entrañable. Brión. ISBN 978-84-8487-191-0. 

Ligazóns externas

• "Lidia Senra, o rural galego e os novos camiños", artigo de Xoán Carlos Carreira en Vieiros, 27 de novembro de 2007.
• Demanda de dignidade Arquivado 14 de xullo de 2014 en Wayback Machine., nova no Galicia Hoxe sobre o Pedrón de Ouro 2011
• Páxina web de Alternativa Galega de Esquerda en Europa