Libro dos Xuíces

O Libro dos Xuíces é un libro do Antigo Testamento e do hebreo Tanach, pertencente ao grupo dos Libros Históricos. Na Biblia sitúase entre o Libro de Xosué e o Libro de Rut.

Xuíces
Título orixinal	ספר שופטים, Sefer Shoftim
Precedido por	Xosué
Seguido por	Libro de Rut
[ editar datos en Wikidata ]

Contexto histórico

Mapa das doce tribos de Israel

Presentan os Xuíces ou Libertadores que salvaron ao pobo da escravitude, despois de liberalos gobernaron. Nos tempos dos Xuíces, Israel está completamente desorganizado, as súas institucións aínda están sen definir e numerosos poderes ameázano.

Dado que esta intervención se deixa exclusivamente á vontade do Divino, os xuíces aparecen e desaparecen a intervalos irregulares na historia hebrea.

Ningún xuíz chegou a ser xefe supremo porque a súa función non é conseguir a unidade senón resolver un problema concreto: a unificación definitiva terá que esperar aos Reis

O contexto histórico no que se desenvolve este libro abrangue o tempo desde a morte de Xosué até a monarquía, durante a cal o pobo de Israel vive en Canaán.

Contido

O Libro dos Xuíces narra o período que vai desde a morte de Xosué até o nacemento de Samuel, un tempo no que os xudeus abandonaron a súa vida nómade e acaban de establecerse como semi-sedentarios primeiro e campesiños despois, vivindo en casas materiais ou cabanas. de adobe Aínda que Xuíces non segue un plan fixo e ben estruturado, en liñas xerais pódense distinguir as seguintes partes:

1. Primeira introdución (1:1-2:5);
2. Segunda introdución (2:6-3:6);
3. Corpo da obra, cos feitos dos seis "xuíces superiores" e algúns menores;
4. Dous anexos (cap. 17 a 21).

Xuíces

Os xuíces que gobernaron Israel mencionados no Libro son 14 en total:

• Otniel
• Ehud
• Shamgar
• Barac (e Débora )
• Xedeón
• Tola
• Iair
• Iefté
• Ibzan
• Elon
• Abdon
• Sansón
• Samuel

Sentido relixioso

O libro enteiro pretende ser unha demostración teolóxica de que a infidelidade a Deus foi a causa de todos os males de Israel. Pero El é misericordioso, e compensa a impiedade do pobo coa chegada dos xuíces. Cando o hebreo peca e, polo tanto, cae na escravitude, Deus envíalle un libertador. Pero tempo despois aquel hebreo volveu caer en malas accións, co que se repetía o ciclo e facía falta outro líder liberador. YHVH non renega da Alianza co seu pobo nin nunca lle dá as costas. Deus é fiel.

Porén, permite que xurdan situacións conflitivas, porque o pobo ten que demostrar a súa fidelidade. Este trazo fai que os Xuíces se parezan ao libro do profeta Oseas .

Véxase tamén

• Critarquía
• Xuíz bíblico
• Antigo Testamento
• Biblia

Véxase tamén

Libro anterior: Libro de Xosué

Xuíces ( Libros históricos )

Libro seguinte: Libro de Rut

Ligazóns externas

• Xuíces:: A Biblia Galega