Libro de horas da raíña María de Navarra

Libro de horas da raíña María de Navarra é un libro de miniaturas iluminadas góticas feito en Barcelona por encarga do rei Pedro IV de Aragón en 1342, como agasallo para a súa primeira esposa, María de Navarra. O seu autor é Ferrer Bassa, segundo a encarga real, se ben estilisticamente identifícanse dous artistas máis do seu taller, o seu fillo Arnau Bassa e o Mestre de Baltimore.

Libro de horas da raíña María de Navarra
Artista	Ferrer Bassa Arnau Bassa Mestre de Baltimore
Data	1342
Técnica	Miniatura iluminada
Dimensións	17,1 cm × 12 cm
Localización	Biblioteca Marciana (Venecia)

A obra conta cunha abondosa ilustración que complementa a riqueza do contido litúrxico, de características exclusivas, como as horas en honra do seu ascendente directo, Luís IX de Francia. Ás imaxes engádeselle o tratamento do espazo e uso de cores vivas e delicadas. A característica que define o estilo do artista é a forma de retratar as facianas das personaxes, con fociños picudos e ollada penetrante.

O exemplar do Libro de horas atópase actualmente na Biblioteca Marciana de Venecia.