Lay-Saint-Christophe

Lay-Saint-Christophe é unha vila e comuna francesa situada no departamento de Meurthe e Mosela, na rexión Gran Leste.

Lay-Saint-Christophe

Localización
48°44′53″N 6°12′02″L
Estado	Francia
Divisións administrativas	Francia Metropolitana
Rexións	Gran Leste
Departamento	Meurthe e Mosela
Distritos	arrondissement de Nancy (pt)
Cantón	canton of Malzéville (en)
Poboación
Poboación	2.370 (2021) (204,49 hab./km²)
Xeografía
Situado na entidade territorial estatística	Q108921648 Q3551089
Superficie	11,59 km²
Comparte fronteira con	Eulmont Faulx Champigneulles Bouxières-aux-Dames Malzéville
Identificador descritivo
Código postal	54690
Fuso horario	UTC+01:00, horario estándar UTC+02:00, horario de verán
Páxina web	lay-saint-christophe.fr

Xeografía

Situada nos outeiros ao norte de Nancy, a vila está construída nunha ladeira orientada cafra ao sur cun río abaixo, o Amezule, afluente do Meurthe. A vila ten dúas partes contiguas: Haute-Lay na ladeira do monte, e Basse-Lay abaixo.

Cunha altitude media de 200 msnm, ocupa unha superficie de 11,59 km². A súa poboación, segundo o censo de 2018, era de 2 421 habitantes, polo que nese ano a súa densidade de poboación era de 209 hab./km².

Demografía

Serie de poboación histórica de Lay-Saint-Christophe
(Fonte/s: INSEE)

Ano	1962	1968	1975	1982	1990	1999
Poboación	1 507	1 969	2 033	2 281	2 449	2 622

Historia

Na antiga Lorena lay designaba un outeiro ou unha pequena montaña. De feito, a aldea está na ladeira do outeiro. (A palabra "lay", nunha linguaxe antiga, designaba estruturas situadas en alturas).

Gravado de Lay-Saint-Christophe en 1838.

En 1965 atopáronse varios obxectos merovinxios no territorio municipal, incluíndo unha dupla vendaxe hernial que se garda hoxe no Museo de Lorena de Nancy.

A aldea galo-romana de Layum converteuse na residencia dos mordomos de palacio de Austrasia durante a época merovinxia. Santo Arnulfo, bispo de Metz e antepasado de Carlomagno, naceu no castelo de Haute-Lay ao redor do 580. Compartiu a educación do novo rei Dagoberto I con Pipino o Vello, cuxa filla casou co seu fillo: foron os avós de Carlos Martel.

En Lay-Saint-Christophe encontábase unha abadía moi florecente. E había unha igrexa en Basse-Laye do século XII.

Nos séculos XVIII e XIX a vila tiña uns 1 000 habitantes. Daquela explotábanse alí dúas minas de ferro, e prosperaron moitas prósperas industrias: serradoiros, curtidoiros, fábricas de baldosas, de pinceis e de negro de fume. Hoxe xa non queda ningunha.

Galería

• 
  Château de la Samaritaine
• 
  Igrexa de Lay-Saint-Christophe
• 
  Monumento aos mortos
• 
  O Meurthe no lugar chamado Le Moulin Noir, na comuna de Lay-Saint-Christophe
• 
  O Amezule no Moulin Noir, pouco antes da súa confluencia co Meurthe
• 
  Unha rúa. Foto tirada por Antonin Daum (1864- 1930)

Véxase tamén

Bibliogfrafía

• Henri Lepage: Histoire du prieuré de Lay, por Dom Augustin Calmet. Lucien Wiener, 53 rue des Dominicains, Nancy, 1863. (Ler en liña).

Outros artigos

• Neustria
• Arnulfo de Metz

Ligazóns externas

• Lay St Christophe. Monographies communales de Meurthe-et-Moselle réalisées pour l'exposition universelle de 1889 et conservées par les Bibliothèques de Nancy.