Lavrio B.C.
O G.S. Lavrio K.A.E. (en grego: Γ.Σ. Λαυρίου K.A.E.), tamén coñecido en inglés como Lavrio B.C., é un equipo profesional de baloncesto da localidade de Lavrio, Grecia. Fundado no ano 1990, o club compite actualmente na máxima categoría do baloncesto grego, a A1 Ethniki. O logo do club é un bufo, o cal homenaxea ao dekadrachm, moeda da Antiga Grecia. O Koroivos xoga os seus partidos como local no Pavillón de Lavrio, recinto con capacidade para 1.700 espectadores.
| Lavrio Megabolt | |
| Información xeral | |
|---|---|
| Nome | Gymnastikos Syllogos Lavrio |
| Liga | A1 Ethniki |
| Fundación | 1990 |
| Cores | Azul, amarelo |
| Presidente |  Ioannis Psarakis
|
| Adestrador | Christos Serelis
|
| Localización | |
| Cidade | Lavrio, Grecia
|
| Pavillón | Pavillón de Lavrio |
| Capacidade | 1.700 |
| lavrio-bc.gr | |
Historia editar
O Gymnastikos Syllogos Lavrio foi fundado no ano 1990, participando en categorías rexionais (ESKA) desde 1990 até 2002, ano no que conseguen o ascenso á Gamma Ethniki (4ª dvisión). Nesta categoría permanecen até o ano 2007, cando acadan o ascenso á Beta Ethniki (3ª división). Durante as dúas primeiras temporadas do equipo nesta categoría, a 2007–08 e a 2008–09, o equipo finaliza en sexto posto. Porén, na temporada 2009–10, conseguen proclamarse campións tras gañar no desempate ao Panelefsiniakos (24 vitorias por 6 derrotas). Así, por vez primeira no club, o club ascende á A2 Ethniki. Ao mesmo tempo, o equipo consegue gañar catro partidos na Copa de Grecia, sendo eliminados na segunda rolda da senda fase do torneo polo PAOK (73-83).
Durante a súa primeira temporada na Segunda División, en 2010–11, o Lavrio finaliza en cuarto lugar. Tras manternse nos postos intermedios da táboa clasificatoria durante as seguintes temporadas, en 2014–15 o equipo finaliza en terceiro lugar, o que unido ao descenso e desaparición do KAOD da A1 Ethniki, levou ao Lavrio á máxima categoría por primeira vez na súa historia.[1] Ao ano seguinte o club consegue manter a categoría a falta dunha xornada para o final do campionato, podendo finalmente perder sen consecuencias na última xornada ante o Aries Trikala.
Patrocinadores editar
Ao longo dos anos, debido a motivos de patrocinio, o equipo foi coñecido como:
- Lavrio DHI (2016–2017)
- Lavrio Megabolt (2017− )
Traxectoria editar
| Ano | Categoría | División | Pos. | Playoffs | Copa | Europa | ||
|---|---|---|---|---|---|---|---|---|
| 2009–10 | B Ethniki | Ascende | — | |||||
| 2010–11 | A2 Ethniki | — | ||||||
| 2011–12 | A2 Ethniki | — | ||||||
| 2012–13 | A2 Ethniki | — | ||||||
| 2013–14 | A2 Ethniki | — | ||||||
| 2014–15 | A2 Ethniki | Ascende | — | |||||
| 2015–16 | A1 Ethniki | — | ||||||
| 2016–17 | A1 Ethniki | — | ||||||
Notas editar
- ↑ "Τίτλοι τέλους ο ΚΑΟΔ, το Λαύριο στην Α1" (en grego). gazzetta.gr. 04-09-2015. Consultado o 07-05-2018.