La Malagueta
La Malagueta é un barrio do distrito Centro da cidade de Málaga, en Andalucía (España). Segundo a división oficial de barrios do concello, limita ao norte co barrio de Campos Elíseos; ao oeste, co Ensanche Centro e ao leste con La Caleta.[1]
| ||||
| Localización | ||||
|---|---|---|---|---|
| ||||
| Estado | España | |||
| Comunidade autónoma | Andalucía | |||
| Provincia | Provincia de Málaga | |||
| Municipio | Málaga | |||
District of Málaga (en)  | Centro (District 1) (en)  | |||
O barrio aséntase sobre unha porción de terreo triangular que penetra no mar, situado entre o peirao de levante do porto e a praia de La Malagueta. No vértice deste triángulo atópase La Farola.
Historia editar
Durante o século XIX La Malagueta era unha zona industrial atravesada por unha vía dos Ferrocarriles Suburbanos de Málaga. O terreo estaba ocupado por fábricas azucreiras, adegas, un estaleiro e outros usos industriais. Os seus habitantes eran marengos e jabegotes, dedicados á pesca, que vivían en chozas ou cabanas. Estas eran as únicas vivendas da zona ata que se construíron o Hospital Noble e a praza de touros de La Malagueta e empezaron a aparecer vilas e mansións burguesas ao longo do Paseo de la Farola e do Paseo de Reding.
Os eixos viarios do barrio do século XIX eran a rúa Maestranza, onde se instalou a fábrica de enerxía eléctrica The Málaga Electricity Company en 1888, e a de Vélez-Málaga, ás que despois se sumarían as rúas Fernando Camino, Keromnés, Arenal e Puerto. A chegada do ferrocarril a finais de século supuxo a creación dun dique, dando inicio á instalación de merendeiros na zona.
A principios do século XX aparecen os primeiros balnearios, como os baños de Apolo e da Estrella. Non obstante as actividades industriais continuaron desenvolvéndose coa instalación de fábricas como a fundición de Roldán, a Fabril Malagueña de Hidalgo Espíldora, a fábrica de olivas de Manzano, a adega de Barceló e un serradoiro. Os balnearios levantábanse no mar sobre sustentos de ferro e contaban con bares, restaurante e vestidores, desde onde se descendía por unhas escalinatas para tomar o baño. As zonas de baño estaban cubertas por esparto para protexer a intimidade dos bañistas e existían zonas separadas para homes e mulleres.
Na actualidade, La Malagueta constitúe un dos mellores exemplos do urbanismo do desenvolvismo da cidade, xa que durante a década de 1960 levantáronse edificios de altura sen previa planificación para albergar o maior número de vivendas posible no menor espazo posible.
Lugares de interese editar
Transporte editar
A futura estación de La Malagueta será a terminal das liñas 1, 2 e 3 do metro de Málaga, que se atopa en construción. En autobús o barrio queda conectado mediante as seguintes liñas da EMT: C2, 1, 3, 4, 11, 14, 16, 19, 25, 32, 33, 34, 35, 37 e N1.
Notas editar
- ↑ "Plano oficial de delimitación de barrios do distrito 1" (PDF). Arquivado dende o orixinal (PDF) o 01 de marzo de 2014. Consultado o 05 de febreiro de 2017.
Wikimedia Commons ten máis contidos multimedia na categoría: La Malagueta  |