Kutná Hora

Kutná Hora
Localización
	49°56′53″N 15°16′05″L / 49.948, 15.268
País	República Checa
Regiões da República Checa (pt)	Bohemia Central
Distrito da República Checa	Kutná Hora (pt)
Capital de	Kutná Hora (pt)
Contén a división administrativa	Hlouška (en) ; Karlov (en) ; Kaňk (en) ; Kutná Hora-Vnitřní Město (en) ; Malín (en) ; Neškaredice (en) ; Perštejnec (en) ; Poličany (en) ; Sedlec (en) ; Vrchlice (en) ; Šipší (en) ; Žižkov (en)
Poboación
Poboación	21.556 (2024) (651,8 hab./km²)
Xeografía
Superficie	33,071625 km²
Bañado por	Bylanka (en) e Vrchlice (en)
Altitude	254 m
Comparte fronteira con	Grunta (pt) ; Křesetice (pt) ; Malešov (pt) ; Miskovice (pt) ; Hlízov (pt) ; Třebešice (pt) ; Církvice (pt) ; Nové Dvory (pt) ; Libenice (pt) ; Kluky (pt)
Organización política
• Xefe do goberno	Lukáš Seifert (en) (2022–)
Membro de	Czech Inspiration (en) ; Organización das Cidades do Patrimonio Mundial
Identificador descritivo
Código postal	284 01, 284 03 e 284 04
Outro
Irmandado con	Kamianets-Podilskyi (pt) (2008–)
Páxina web	kutnahora.cz

Kutná Hora é unha vila da República Checa, capital do distrito do mesmo nome na rexión de Bohemia Central. En 2013 tiña 20.470 habitantes.

Historia

A vila naceu no século XIII, ligada ás minas de prata que hai nas proximidades, se ben a explotación das mesmas data polo menos do século X, pois atopáronse dínares de prata de finais dese século no asentamento de Malín. Tivo unha grande riqueza económica por mor do título outorgado por Venceslau II de Bohemia, e até o século XVI tivo gran relevancia, chegando a competir con Praga en poder económico, cultural e político.

En 1420 o emperador Sexismundo estableceu na vila a base militar desde onde atacar os taboritas durante as guerras husitas. Esta campaña militar acabou coa toma da cidade por Jan Žižka, que a levou a outro período de esplendor económico. Porén, despois da reconciliación das partes contendentes, a vila foi incendiada polas tropas imperiais para evitar que volvese caer en mans dos Taboritas.

En 1541 as minas sufriron unha inundación, e a insurrección de Bohemia contra Fernando I de Habsburgo fixo que a cidade perdese os seus privilexios. A Guerra dos Trinta Anos e varias epidemias de peste fixeron que a vila perdese definitivamente toda a importancia que tivera no pasado.

Patrimonio

O centro histórico de Kutná Hora foi declarado Patrimonio da Humanidade pola Unesco en 1995, destacando nel a Igrexa de Santa Bárbara (iniciada en 1388 e rematada en 1905) e a Catedral da Nosa Señora en Sedlec^[1].

Outros lugares de interese son a capela do Corpus Christi, o Castelo Real (tamén chamado Patio Italiano), o claustro das Ursulinas (século XVIII), a colexiata de Santiago, o colegio dos Xesuítas, a columna votiva da peste e as igrexas de Santiago e San Xoán Nepomuceno.

No barrio de Sedlec están dous dos monumentos máis importantes da vila: a Capela funeraria de Todos os Santos, co seu osario, e a igrexa da Nosa Señora.