Geo-IK

Geo-IK, tamén coñecidos como Musson (índice GRAU 11F621), foi unha serie de satélites xeodésicos soviéticos e logo rusos. Eran os sucesores dos satélites Sfera.^[1]^[2]

Características

Os satélites Geo-IK eran satélites en órbita baixa lanzados para mellorar a precisión dos mapas da época. Foron lanzados entre 1981 e 1994 usando foguetes Tsiklon-3 e normalmente había entre un e dous satélites operativos en órbita. As súas órbitas típicas eran circulares, de 1500 km de altura e entre 73,6 e 82,6 graos de inclinación orbital. Tiñan unha masa duns 1500 kg e alimentábanse mediante paneis solares. O corpo principal dos satélites estaba formada por un cilindro cun mastro nun dos extremos para estabilizarse mediante gradente gravitatorio e antenas e paneles solares formando unha saia arredor do satélite no outro extremo. Os instrumentos e a carga útil ían nun contedor presurizado e termicamente controlado dentro do cilindro. O tempo de vida de cada satélite era de entre 1 e 2 anos. Foron sucedidos polos satélites Geo-IK-2.^[1]^[2]

Instrumentos

Os Geo-IK dispoñían de varios sistemas para facer as súas medicións:^[1]^[2]

Un radar de 9,4 GHz para medir altura sobre a superficie oceánica cunha precisión de entre 3 e 5 metros.
Un sistema Doppler de dúas frecuencias (150 e 400 MHz) cunha precisión de entre 1 e 3 cm/s para medir a distancia desde terra cara ao satélite.
Un transpondedor funcionando a 3,4 ou 5,7 GHz para determinar tamén a distancia ao satélite cunha precisión de entre 3 e 5 m.
Reflectores láser na superficie do satélite para medir a distancia cara ao satélite cunha precisión de 1,5 m.
Un sistema de sinalización por luz de alta intensidade que emite flashes e permitía a observatorios en terra determinar a posición do satélite contra o fondo de estrelas cunha precisión de 1,5 segundos de arco.

Os instrumentos eran operados normalmente durante cinco días á semana, deixando os dous restantes para planificación.^[1]^[2]

Historial de lanzamentos

Misión^[1]^[2]	Data de lanzamento^[1]^[2]	Foguete lanzador^[1]^[2]	Notas^[1]^[2]
Geo-IK 1 (Musson 1, Kosmos 1242)	23 de xaneiro de 1981	Tsiklon-3	Fallo
Geo-IK 2 (Musson 2, Kosmos 1312)	30 de setembro de 1981	Tsiklon-3	Éxito
Geo-IK 3 (Musson 3, Kosmos 1410)	24 de setembro de 1982	Tsiklon-3	Éxito
Geo-IK 4 (Musson 4, Kosmos 1510)	24 de novembro de 1983	Tsiklon-3	Éxito
Geo-IK 5 (Musson 5, Kosmos 1589)	8 de agosto de 1984	Tsiklon-3	Éxito
Geo-IK 6 (Musson 6, Kosmos 1660)	14 de xuño de 1985	Tsiklon-3	Éxito
Geo-IK 7 (Musson 7, Kosmos 1732)	11 de febreiro de 1986	Tsiklon-3	Éxito
Geo-IK 8 (Musson 8, Kosmos 1803)	2 de decembro de 1986	Tsiklon-3	Éxito
Geo-IK 9 (Musson 9, Kosmos 1823)	20 de febreiro de 1987	Tsiklon-3	Éxito
Geo-IK 10 (Musson 10, Kosmos 1950)	30 de maio de 1988	Tsiklon-3	Éxito
Geo-IK 11 (Musson 11, Kosmos 2037)	20 de agosto de 1989	Tsiklon-3	Éxito
Geo-IK 12 (Musson 12, Kosmos 2088)	30 de xullo de 1990	Tsiklon-3	Éxito
Geo-IK 13 (Musson 13, Kosmos 2226)	22 de decembro de 1992	Tsiklon-3	Éxito
Geo-IK 14 (Musson 14)	29 de novembro de 1994	Tsiklon-3	Éxito

Notas

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 Mark Wade (2020). "Geo-IK" (en inglés). Consultado o 25 de abril de 2020.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 Gunter Dirk Krebs (2020). Gunter's Space Page, ed. "Geo-IK (Musson, 11F666)" (en inglés). Consultado o 25 de abril de 2020.

Véxase tamén

Outros artigos

[astronautix-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 Mark Wade (2020). "Geo-IK" (en inglés). Consultado o 25 de abril de 2020.

[gunter-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 Gunter Dirk Krebs (2020). Gunter's Space Page, ed. "Geo-IK (Musson, 11F666)" (en inglés). Consultado o 25 de abril de 2020.

[1]

[2]