Abrir o menú principal

Kevin Roche, nado o 14 de xuño de 1922, é un arquitecto norteamericano de orixe irlandesa.

Kevin Roche
Kevin Roche krb.00028 (cropped).jpg
Nome completoEamonn Kevin Roche
Nacemento14 de xuño de 1922
 Dublín
Falecemento1 de marzo de 2019
 Guilford Center
NacionalidadeIrlanda e Estados Unidos de América
Alma máterUniversity College Dublin e Instituto de Tecnologia de Illinois
Ocupaciónarquitecto e enxeñeiro
Coñecido/a porBank of America Plaza e Leo Burnett Building
PremiosMedalla de Ouro do AIA, Twenty-five Year Award, American Academy of Arts and Letters Gold Medals e Premio Pritzker
editar datos en Wikidata ]

TraxectoriaEditar

Naceu en Dublín, aínda que se criou nunha poboación pequena do condado de Cork. Estudou arquitectura na Universidade de Dublín. Cando rematou a carreira, traballou durante tres anos nun despacho de arquitectos, no que colaborou no deseño dos exteriores dun importante proxecto. En 1948 abandonou Dublín e, tras un curto período no que traballou con outros arquitectos, emigrou aos Estados Unidos para estudar con Mies van der Rohe.Rematada esta época de nova formación, permaneceu na América e conseguiu un emprego no despacho de Eero Saarinen. Aos cinco anos converteuse en socio principal de Saarinen e cando este faleceu no 1961, continuou o seu labor, asociándose cun enxeñeiro de estruturas, John Dinkeloo. Xunto con el terminou proxectos tan significativos de Saarinen como a terminal da TWA no aeroporto Kennedy de Nova York ou o arco de St. Louis.

Definitivamente afincado nos Estados Unidos, Roche adquiriu a nacionalidade norteamericana. Roche deseñou varios edificios que foron catalogados como monumentos nacionais nos Estados Unidos. O seu despacho foi durante algún tempo o preferido polas grandes compañías para deseñar os seus edificios corporativos. Recibiu encargos de todo o mundo para realizar estes edificios. No 1982 Roche gañou o Premio Pritzker de arquitectura, o máximo galardón neste eido, comparábel ao premio Nobel. Só no período de 1962 a 1982 Roche deseñou máis de 50 proxectos.

Está considerado como un dos arquitectos máis creativos no deseño de edificios acristalados. As súas obras son imaxinativas e innovadoras, sen que por iso incorporen elementos innecesarios.

Principais proxectosEditar

  • Fábrica de Cummins Engine (Columbus, Indiana)
  • Edificio corporativo Deere and Co. (Moline, Illinois)
  • Edificio corporativo General Foods (Rye, Nova York)
  • Ampliación do Museo Metropolitano (Nova York)
  • Museo de Oakland (California)
  • Edificio da Fundación Ford (Nova York)
  • Edificio Nations Bank Plaza (Atlanta)
  • Sede corporativa de Bouyges (París)
  • Hotel Plaza das Nacións Unidas (Nova York)
  • Power Center for the Performing Arts, Universidade de Míchigan (Chicago)
  • Facultade de Belas Artes, Universidade de Massachusetts (Amherst, Boston)
  • Banco Irwin Union and Trust Company Addition
  • Edificio College Life Insurance (Indianápolis)
  • Edificio Knights of Columbus (New Haven, Connecticut)

Véxase taménEditar

Ligazóns externasEditar