O Košarkaški klub Vojvodina (serbio: Кошаркашки клуб Војводина) é un club profesional de baloncesto serbio con sede na cidade de Novi Sad, Voivodina. Fundado en 1948, o equipo disputa os seus partidos como local no SPC Vojvodina, pavillón con capacidade para 6 987 espectadores. Actualmente compite na Košarkaška liga Srbije, máxima categoría do baloncesto serbio.

Vojvodina
Información xeral
Liga KLS
Fundación 1948
Historia KK Sloga (1948–1950)
Cores           Vermello, branco
Presidente Željko Rebrača
Adestrador Miloš Isakov Kovačević
Localización
Cidade Novi Sad, Serbia
Pavillón SPC Vojvodina
Capacidade 6 987
Inauguración 14 de abril de 1981
kkvojvodina.rs
Non confundir co KK Vojvodina Srbijagas.

Historia editar

No ano 1945 creouse unha sección de baloncesto dentro do club de ximnasia Sloga, pero só comezou a participar en competicións oficiais en 1948, polo que 1948 é considerado o ano oficial da fundación do club. O KK Vojvodina recibiu o seu nome actual en decembro de 1950, e en 1952 pasou de ser unha sección a un club propoiamente dito. En 1962, o equipo debutou na Segunda Liga Federal, obtendo un destacábel terceiro posto. Na temporada 1974−75 o Vojvodina debuta na Primeira Liga Federal de Iugoslavia, mais só permaneceu na categoría unha temporada ao finalizar en 13º lugar (de 14) con 7 vitorias por 19 derrotas. En 1981 o club trasládase ao seu actual pavillón, o SPENS. En 1988, baixo a dirección de Dušan Ivković o club regresou á máxima categoría.

Na temporada de 1989−90. Vojvodina logrou un excelente 5º lugar e asegurou a súa participación na Copa Korać. Na súa primeira participación en competicións continentais, o club eliminou en primeira rolda ao VGNN Donar cun marcador acumulado após dous encontros de 153–192, mais na segunda rolda perderían contra os futuros campións, o Shampoo Clear Cantù, por tan só dous puntos de diferenza (167–169). Na seguinte temporada o Vojvodina volveu ocupar o quinto posto, porén, esa foi a última temporada desta competición debido ao colapso da República Federal Socialista de Iugoslavia.

O club continuou coa competición na Primeira Liga da República Federal de Iugoslavia, mais xa na primeira temporada o club descendeu. Volveu á elite na temporada 1994−95, pero volveu descender de novo. Após outro ascenso e descenso máis, o club entrou en varios procesos de fusión con outros equipos coa idea de salvar, sen éxito, o baloncesto de Novi Sad. Durante a década de 2000 e comezos de 2010, o club foi tamén coñecido como o Vello Vojvodina para distinguirse do Vojvodina Srbijagas un novo club da cidade que xogou na máxima categoría do baloncesto serbio entre 2000 e 2016. Durante esta etapa, o Vojdovina funcionou como equipo reserva do Srbijagas. Despois da desparición do novo club en 2016, o Vojvodina recibiu a moitos dos seus xogadores e ascendeu á Liga de Baloncesto de Serbia para a temporada 2017-18.

Patrocinios editar

Ao longo do anos, o KK Vojvodina recibiu diferentes nomes por motivos de patrocinio:

  • Privredna banka (1992–1994)
  • Vojvodina Panšped (1994–1995)
  • Vojvodina NIS NAP (1998–1999)

Xogadores editar

Destacados editar

Adestradores editar

  •   Oskar Bozo (1948)
  •   Vojislav Panić
  •   Stevan Putnik
  •   Geza Pastor
  •   Leliks Seleši
  •   Ladislav Demšar (1961–1964)
  •   Dušan Šušnjević (1964–1967)
  •   László Rátgéber (1967–1968)
  •   Ištvan Šmit
  •   Milutin Minja (1973–1974)
  •   Dragan Kecojević (1970s)
  •   László Mezei (1975–1976)
  •   Ferenc Gal (1976)
  •   Silvester Tóth (1976–1977)
  •   Dušan Ivković (1987–1990)
  •   Jovan Malešević (1990–1991)
  •   Nenad Mušikić (1991)
  •   Zoran Mirković (1991–1992)
  •   Branislav Jemč (1992)
  •   Borislav Džaković (1992)
  •   Nenad Mušikić (1993)
  •   Rajko Toroman (1993)
  •   Boško Đokić (1993–1994)
  •   Janko Lukovski (1994–1995)
  •   Goran Miljković (1995–1996)
  •   Jovan Malešević (1996)
  •   Janko Lukovski (1996–1997)
  •   Željko Lukajić (1997–1998)
  •   Ljubomir Poček (1998–1999)
  •   Mile Medaković (1999–2002)
  •   Zoran Trivan (2002–2003)
  •   Miodrag Bojković (2003–2004)
  •   Ivica Mavrenski (2004–2005)
  •   Vladan Dragosavac (2005–2011)
  •   Filip Socek (2015–2019)
  •   Marko Skoko (2019)
  •   Filip Socek (2019–2020)
  •   Miroslav Nikolić (2020–2022)
  •   Miloš Isakov Kovačević (2022–presente)

Véxase tamén editar

Ligazóns externas editar