Kátia Aveiro
Kátia Liliana dos Santos Aveiro, máis coñecida como Kátia Aveiro ou Ronalda é unha cantante portuguesa.
| Biografía | |
|---|---|
| Nacemento | (pt) Liliana Cátia dos Santos Aveiro  5 de outubro de 1977 (46 anos)Funchal, Portugal |
| Datos persoais | |
| Outros nomes | Ronalda Kátia Aveiro |
| País de nacionalidade | Portugal |
| Actividade | |
| Ocupación | cantante |
| Período de actividade | 2005 - |
| Xénero artístico | Música pop |
| Lingua | Lingua portuguesa |
| Instrumento | Voz |
| Familia | |
| Fillos | José Dinis Pereira Aveiro (en)  |
| Pais | José Dinis Aveiro (pt) e Maria Dolores dos Santos Aveiro (pt) |
| Irmáns | Cristiano Ronaldo, Elma dos Santos Aveiro (en) e Hugo dos Santos Aveiro (pt) |
| Páxina web | ronaldanews.pt.vu |
    | |
Comezou a súa carreira no ano 2005, co alcume de Ronalda pero no 2013 saca o primeiro sinxelo co seu nome, Katia Aveiro, Boom sem parar.
Carreira editar
2005-13: Ronalda editar
No 2005 comeza a súa carreira musical baixo o alcume de «Ronalda», facendo referencia ao seu irmán, o futbolista Cristiano Ronaldo. A maioría das cancións que compón Kátia son baladas, xa que falan do amor e teñen un ritmo lento.
O seu primeiro disco, chamado Pronta pra te amar, foi editado en 2005 e constaba de once cancións totalmente en portugués, o primeiro sinxelo levaba por título o mesmo que o CD: Pronta pra te amar.
Ao ano seguinte, Kátia, despois do seu éxito obtido, lanzou Esperança (2006). Foi tal o éxito deste cd en Portugal que Kátia fixo a súa primeira xira, Esperança Tour, por todo o país. A canción que máis repercusión tivo foi «Obrigada man», unha canción dedicada ao seu irmán Cristiano Ronaldo.
Kátia publicou o seu terceiro disco de estudo, chamado De corpo e alma, un disco bastante decisivo na súa carreira, xa que despois deste cd, estaría sen volver cinco anos aos escenarios. O disco contén a canción de apoio á selección de fútbol portuguesa no Mundial de Fútbol de 2006, e unha canción ao seu pai falecido, Dinis Aveiro, chamada Hope to see you.
Dende 2013: Kátia Aveiro editar
Despois de cinco anos, Kátia deixou de ser Ronalda para volver aos escenarios. Foi producida por Redone, o produtor de Just dance (de Lady Gaga) e Live it up (de Jennifer Lopez), entre outros. A canción principal chámase Boom sem parar, e saíu ao mercado en 2013, unha canción que en menos de quince días contaba cun millón de visitas en Youtube.
Kátia obtivo tanto éxito, que é o seu primeiro traballo internacional, tendo presentacións en Portugal, Galiza, España, Francia e o Brasil. O 28 de febreiro de 2014 anunciouse que participará na nova edición do reality espectáculo, Superviventes 2014 na cadea española Telecinco.
Discografía editar
Álbums editar
- 2005 - Pronta pra te amar
- 2006 - Esperança
- 2007 - De corpo e alma
Sinxelos editar
- 2005 - Pronta pra te amar
- 2013 - Boom sem parar
Filmografía editar
Televisión editar
- 2014 - Supervivientes [1]
- 2013 - Sálvame [2]
- 2013 - Luar [3]
- 2013 - Só Visto! [4]
- 2013 - Você na TV! [5]
- 2012 - A Túa Cara Não Me é Estranha [6]
- 2011 - Globos de Ouro 2010[7]
- 2009 - Vip Manicure
- 2008 - Fama Show
Notass editar
- ↑ "Supervivientes 2014 ficha á irmá de Cristiano Ronaldo, Kátia Aveiro". Arquivado dende o orixinal o 12 de marzo de 2014. Consultado o 12 de marzo de 2014.
- ↑ "Kátia canta no plató do Sálvame". Arquivado dende o orixinal o 13-03-2014. Consultado o 12-03-2014.
- ↑ "Kátia Aveiro, Tamara e Maria del Monte no Luar". Arquivado dende o orixinal o 12 de marzo de 2014. Consultado o 12 de marzo de 2014.
- ↑ Kátia Aveiro presenta o seu novo álbum en Só Visto!
- ↑ "Kátia Aveiro saca CD en Você na TV!". Arquivado dende o orixinal o 12 de marzo de 2014. Consultado o 12 de marzo de 2014.
- ↑ Kátia Aveiro canta Paula Fernandes en A túa Cara Não Me é Estranha
- ↑ Kátia nos Globos de Ouro[Ligazón morta]