Juan Miguel Diz Guedes
Juan Miguel Diz Guedes, nado en Tui o 24 de outubro de 1953, é un político galego.
| Biografía | |
|---|---|
| Nacemento | 24 de outubro de 1953  (71 anos)Tui, España |
 Conselleiro da Xunta de Galicia Consellería do Medio Rural e do Mar | |
| 2001 – 2004 ← Cástor Gago – José Antonio Santiso Miramontes → | |
| Conselleiro da Xunta de Galicia Consellería de Relacións Institucionais | |
| 2000 – 2001 | |
.svg){kind=small} Delegado do Goberno en Galicia | |
| 1996 – 2000 ← Domingo García-Sabell – Arsenio Fernández de Mesa → | |
| Conselleiro da Xunta de Galicia Consellería de Xustiza e Interior | |
| 1993 – 1996 ← Juan Luis Pía Martínez – Xesús Palmou → | |
 Alcalde de Tui | |
| 1987 – 1990 ← Ángel Álvarez Durán – José Luís Gómez Núñez → | |
| Actividade | |
| Ocupación | Político |
| Partido político | Partido Popular |
| Membro de | |
Traxectoria
editarLicenciado en dereito, foi alcalde de Tui (1987-1990) por Unión Tudense, deputado no Parlamento de Galicia (1990-1996) polo PPdeG, conselleiro de Xustiza e Interior (1993-1996). En maio de 1996, foi designado Delegado do Goberno en Galicia, cargo que exerceu ata que foi nomeado, en xuño do 2000, conselleiro sen carteira para Relacións Institucionais. Desencadeada a denominada crise das vacas tolas, asumiu a titularidade da Consellería de Política Agroalimentaria e Desenvolvemento Rural (2001-2004) tras o cesamento de Cástor Gago. Regulou as agrupacións de defensa sanitaria gandeira en Galicia (Decreto 91/2001 de 19 de abril), redactou o proxecto de lei polo que se regula a promoción e defensa da calidade agroalimentaria, reformou a Lei de Concentración Parcelaria mediante a Lei 1/2001, do 10 de setembro, aumentou a superficie cualificada para proxectos de agricultura ecolóxica, elaborou a Estratexia galega de desenvolvemento rural cubrindo a totalidade do territorio con programas xestionados por grupos de acción local coa Axencia Galega de Desenvolvemento Rural, creada durante o seu mandato, e formulou o Programa de Investigación e Desenvolvemento Agrario[1]
A raíz do afundimento do Prestige, Diz Guedes é dos conselleiros que se posicionaron con Xosé Cuíña a favor dunha acción autónoma fronte ao Goberno central e a dirección nacional do Partido Popular. Isto marcou o inicio do seu declive político. Un ano despois, renunciou á súa carteira de conselleiro e, en setembro de 2006, anunciou a súa baixa do Partido Popular tras 16 anos de militancia.[2]
Continuou a súa actividade política en Tui, e foi elixido concelleiro nas eleccións municipais de 2007 por Tudense Unidos Independentes, manténdose na corporación ata 2011. En 2018 afiliouse a Cidadáns, e nas municipais de 2019 foi elixido concelleiro na lista electoral dese partido, encabezada por el. En xuño de 2020 anunciou que deixaba a vida política por motivos persoais[3].
| Predecesor: Ángel Álvarez Durán |
 Alcalde de Tui 1987-1990 |
Sucesor: José Luís Gómez Núñez |
| Predecesor: Juan Luis Pía Martínez |
 Conselleiro de Xustiza e Interior 1993-1996 |
Sucesor: Xesús Palmou |
| Predecesor: ' |
Conselleiro de Relacións Institucionais 2000-2001 |
Sucesor: ' |
| Predecesor: Cástor Gago |
Conselleiro de Política Agroalimentaria e Desenvolvemento Rural 2001-2004 |
Sucesor: José Antonio Santiso Miramontes |
| Predecesor: Domingo García-Sabell |
 Delegado do Goberno en Galicia 1996-2000 |
Sucesor: Arsenio Fernández de Mesa |
Notas
editar- ↑ Galicia 2003, Xunta de Galicia pp. 357 a 370. ISBN 84-453-3459-X
- ↑ "Diz Guedes abandona el PPdeG tras dieciséis años de militancia". El Correo Gallego (en castelán). Arquivado dende o orixinal o 01 de xuño de 2020. Consultado o 2020-03-29.
- ↑ "El exconselleiro Diz Guedes anuncia su retirada de la política". La Voz de Galicia (en castelán). 2020-06-04. Consultado o 2020-06-04.