Consellería do Medio Rural

A Consellería do Medio Rural é unha consellería da Xunta de Galicia con competencias na xestión e promoción da agricultura, da gandaría, dos produtos con denominación de orixe, e da política forestal. O seu titular actual é José González Vázquez.

Consellería do Medio Rural
Tratamento	Excelentísimo señor
Ámbito	Comunidade Autónoma de Galicia
Designado por	Presidencia da Xunta
Duración	Catro anos, sen límite de mandatos
Creación	outubro de 2015 (como tal)
Primeiro titular	Alfredo Suárez Canal
Sitio web	mediorural.xunta.gal

Historia

A consellería de Medio Rural e do Mar é, a pesar das mudanzas de nomes, unha das máis estables da historia dos gobernos autonómicos en canto a funcións e competencias. A variación máis importante foi a incorporación, entre 1983 e 1986 das políticas relacionadas coa pesca e a acuicultura que antes, coma o foron despois, tiveron unha consellería de seu. Estas competencias foron recuperadas trala remodelación de goberno producida en 2012. Non obstante, en 2015 a Consellería divídese en Consellería do Medio Rural, dirixida por Ángeles Vázquez, e a Consellería do Mar, dirixida por Rosa Quintana.

Conselleiros

1. Jaime Rey de Roa (1982-1984). Como conselleiro de Agricultura, Gandería e Montes.
2. Fernando Garrido Valenzuela (1984-1986). A partir de 1985, como conselleiro de Agricultura, Pesca e Alimentación e uns meses despois, como conselleiro de Agricultura.
3. Ángel Ruiz Fidalgo (1986-1987).
4. Francisco Sineiro (1987-1990).
5. Xosé Manuel Romay Beccaría (1990-1991). Como conselleiro de Agricultura, Gandería e Política Forestal.
6. Tomás Pérez Vidal (1991-1997). Como conselleiro de Agricultura, Gandería e Montes.
7. Cástor Gago (1997-2001). Como conselleiro de Agricultura, Gandería e Política Agroalimentaria.
8. Xoán Manuel Diz Guedes (2001-2004). A partir de 2001, uns meses máis tarde, como conselleiro de Política Agroalimentaria e Desenvolvemento Rural.
9. José Antonio Santiso Miramontes (2004-2005).
10. Alfredo Suárez Canal (2005-2009). Como conselleiro de Medio Rural.
11. Samuel Juárez (2009-2012).
12. Rosa Quintana (2012-2015). Como conselleira de Medio Rural e do Mar.
13. Ángeles Vázquez Mejuto (2015-2018). Como conselleira de Medio Rural.
14. José González Vázquez (2018-).

Estrutura interna

Secretarías e direccións xerais

Ademais da necesaria Secretaría Xeral da consellería, que ocupa Joaquín Macho Canales, a consellería do Medio Rural conta coas seguintes secretarías e direccións xerais:

• Dirección Xeral da Defensa do Monte: Manuel Rodríguez Vázquez
• Dirección Xeral de Planificación e Ordenación Forestal: José Luis Chan Rodríguez
• Dirección Xeral de Gandaría, Agricultura e Industrias Agroalimentarias: José Balseiros Guinarte
• Dirección Xeral de Desenvolvemento Rural: Inés Santé Riveira

Entes asociados

As seguintes entidades están asociadas á consellería:

• Fondo Galego de Garantía Agraria
• Axencia Galega de Desenvolvemento Rural
• Axencia Galega de Calidade Alimentaria

Outros entes

• Bantegal, que xestiona o Banco de Terras de Galicia

Véxase tamén

Outros artigos

• Instituto de Biodiversidade Agraria e Desenvolvemento Rural

Ligazóns externas

• Web da consellería