Juan Manuel Iglesias Rivera
Juan Manuel Iglesias Rivera, nado en Ourense o 21 de abril de 1940, é un avogado e político galego.
| Juan Manuel Iglesias Rivera | |
|---|---|
| Nacemento | 21 de abril de 1940 |
| Lugar de nacemento | Ourense |
| Nacionalidade | España |
| Alma máter | Universidade Complutense de Madrid |
| Ocupación | avogado e político |
| [ editar datos en Wikidata ] | |
Traxectoria editar
Licenciado en Dereito pola Universidade Complutense. Funcionario do Ministerio de Traballo en Ourense, traballou como avogado laboralista. En 1977 ingresou no Partido Socialista Popular, do que foi secretario provincial de Ourense. Foi concelleiro e tenente de alcalde de Ourense. Foi elixido parlamentario pola provincia de Ourense nas primeiras eleccións autonómicas polo PSdeG-PSOE.
Causou baixa como parlamentario a finais de 1982 ao ser nomeado gobernador civil de Lugo, posto no que permaneceu ata 1996, cando o cambio de goberno fixo que fose substituído por José Luis Mourín Estela. Posteriormente reincorporouse á administración pública, onde se xubilou.
Véxase tamén editar
Bibliografía editar
- Porteiro, Mª Xosé; Perozo, Xosé A. (1981). Quen é quen no primeiro Parlamento Galego. Vigo: Xerais. pp. 208–210. ISBN 84-7507-044-2.