Josef Vašíček
Josef Vašíček, nado o 12 de setembro de 1980 en Havlíčkův Brod, Checoslovaquia e finado o 7 de setembro de 2011, foi un xogador profesional de hóckey sobre xeo checo. Vašíček xogou sete tempadas na National Hockey League nos Carolina Hurricanes, Nashville Predators e New York Islanders antes de trasladarse a Rusia en 2008 para xogar no Lokomotiv Yaroslavl da Kontinental Hockey League. Morreu no accidente aéreo no que faleceron todos os membros do Lokomotiv.
Josef Vašíček | |||
---|---|---|---|
Josef Vašíček | |||
Información persoal | |||
Nome | Josef Vašíček | ||
Nacemento | 12 de setembro de 1980 | ||
Lugar de nacemento | Havlíčkův Brod | ||
Falecemento | 7 de setembro de 2011 | ||
Lugar de falecemento | Tunoshna | ||
Altura | 1,93 m. | ||
Posición | Centro | ||
Carreira xuvenil | |||
HC Sparta Praha U-17 | |||
1998-2000 | Sault Ste. Marie Greyhounds (OHL) | ||
Carreira sénior | |||
Anos | Equipos | Aprs | (Gls) |
2000-2001 | Cincinnati Cyclones (IHL) | ||
2000-2004 | Carolina Hurricanes (NHL) | ||
2004-2005 | HC Slavia Praha (CzEx) | ||
2005-2006 | Carolina Hurricanes (NHL) | ||
2006-2007 | Nashville Predators (NHL) | ||
2006-2007 | Carolina Hurricanes (NHL) | ||
2007-2008 | New York Islanders (NHL) | ||
2008-2011 | Lokomotiv Yaroslavl (KHL) | ||
Na rede | |||
Partidos e goles só en liga doméstica. [ editar datos en Wikidata ] | |||
Traxectoria editar
Na tempada 1998-1999 deu o salto ó hóckey canadense ó entrar no Sault Ste. Marie Greyhounds da Ontario Hockey League, unha das ligas xuvenís do Canadá. No 2000 entrou na National Hockey League (NHL) ó fichar polos Carolina Hurricanes, na tempada 2004-2005 foi cedido ó HC Slavia Praha de Chequia e no verán de 2006 foi cambiado ós Nashville Predators por Scott Walker.
En 2008 asinou un contrato co equipo ruso Lokomotiv Yaroslavl da KHL.
O 7 de setembro de 2011 morreu co resto dos seus compañeiros e adestradores do Lokomotiv Yaroslavl nun accidente de avión nas aforas de Yaroslavl cando o equipo se dirixía a Minsk para disputar a primeira xornada da tempada 2011-12.
Internacional coa selección checa, Josef Vašíček gañou a medalla de ouro no Campionato do Mundo júnior de 2005, así como as medallas de bronce e de ouro respectivamente no Campionato do Mundo absuluto en 2004 e 2005.
A Galipedia ten un portal sobre: Hóckey sobre xeo |