José Vilaboy Pajón
José María Vilaboy Pajón, nado na Calvela (Somede, As Pontes de García Rodríguez) e finado nas Pontes de García Rodríguez o 9 de xuño de 1990, foi un industrial e político galego.
José Vilaboy Pajón | |
---|---|
Nacemento | 1900 |
Lugar de nacemento | A Calvela |
Falecemento | 9 de xuño de 1990 |
Lugar de falecemento | As Pontes de García Rodríguez |
Nacionalidade | España |
Ocupación | industrial e político |
[ editar datos en Wikidata ] | |
Traxectoria editar
Fillo de Manuel Vilaboy Prieto. Aos doce anos foi ás Pontes. Traballou como fundidor de metais nas Pontes e despois marchou a Cuba, onde perfeccionou a súa especialidade. Cando retornou traballou na Empresa Nacional Bazán de Ferrol, e despois estableceuse nas Pontes cun taller de fundición. Foi elixido alcalde das Pontes de García Rodríguez nas eleccións do 12 de abril de 1931, e tomou posesión o día 22 de abril; cesou no cargo en maio por anulación das eleccións. Celebradas novas eleccións o 8 de xuño, volveu ser elixido alcalde, permanecendo no cargo até maio de 1936 cando foi destituído polo Gobernador civil. Logo do golpe de Estado do 18 de xullo de 1936 fuxiu, e pasou unha noite pechado nun nicho do cemiterio das Campeiras. Nos anos finais do franquismo foi presidente do Liceo Artístico e Recreativo das Pontes e despois do Fogar do Xubilado.[1] Finou nas Pontes de García Rodríguez o 9 de xuño de 1990.[2]
Predecesor: Narciso Cabarcos Bellas |
Alcalde das Pontes de García Rodríguez 1931 |
Sucesor: Honorio Ferreiro Cortiñas |
Predecesor: Honorio Ferreiro Cortiñas |
Alcalde das Pontes de García Rodríguez 1931 -1936 |
Sucesor: Servando López Cao |
Recoñecementos editar
Unha rúa das Pontes leva o seu nome dende 1992.[3]
Vida persoal editar
Casou con Antonia Iglesias Vales en 1935 e foi pai de José e María Teresa Vilaboy Iglesias.
Notas editar
Véxase tamén editar
Bibliografía editar
- Sande, María (2013). Alcaldes de As Pontes. Un recorrido desde 1836. A Coruña: Asociación Pro-Muevete. ISBN 978-84-616-6599-0.
- Souto López, Manuel (2002). "II República nas Pontes de García Rodriguez, 1931-1936: Os Agrario-Republicanos" (PDF). Cátedra. Revista Eumesa de Estudios (9): 157–178. Arquivado dende o orixinal (PDF) o 07 de marzo de 2016. Consultado o 25 de xuño de 2015.