José Ramón Dacosta González
José Ramón Dacosta González, nado o 21 de setembro de 1974 en Ourense, é un exfutbolista galego que xogaba na demarcación de defensa.
Dacosta | |||
---|---|---|---|
Información persoal | |||
Nome | José Ramón Dacosta González | ||
Nacemento | 21 de setembro de 1974 | ||
Lugar de nacemento | Ourense | ||
Altura | 1,80 m. | ||
Posición | Defensa | ||
Carreira sénior | |||
Anos | Equipos | Aprs | (Gls) |
1993-1997 | Celta de Vigo B | 59 | (2) |
1995-1996 | → CD Ourense (cedido) | 34 | (0) |
1996-1997 | Celta de Vigo | 1 | (0) |
1997-1998 | Deportivo Alavés | 32 | (1) |
1998-1999 | Hércules CF | 22 | (1) |
1999-2000 | Cádiz CF | 31 | (3) |
2000-2007 | CD Ourense | 211 | (3) |
2007-2008 | Ponte Ourense CF | ||
2008-2009 | CD Arenteiro | ||
2009-2010 | AD Covadonga | ||
Selección nacional | |||
2005 | Galicia | 1 | (0) |
Adestrador | |||
CD Arenteiro | |||
Partidos e goles só en liga doméstica. [ editar datos en Wikidata ] | |||
Traxectoria editar
Formouse nas categorías inferiores do Celta de Vigo, xogando no filial entre 1993 e 1997 agás un ano que saíu cedido ao CD Ourense, onde xogou a moi bo nivel. Xa de volta en Vigo adestrou numerosas veces co primeiro equipo e chegou a debutar en Primeira División, porén ao final de tempada foi traspasado ao Deportivo Alavés.
No equipo vasco realizou unha gran tempada axudando ao equipo a ascender a Primeira, pero ao remate da tempada cambiou de equipo e fichou polo Hércules CF. Onde non tivo a continuidade que esperaba e non rematou a tempada, recalando no Cádiz CF, onde seguiu sen atopar o seu mellor fútbol.
No ano 2000 volveu ao CD Ourense onde xogou sete anos, ata que en 2007 ficha por outro equipo da cidade o Ponte Ourense CF. Na tempada 2008/09 xogou no CD Arenteiro e a tempada seguinte, a que sería o seu último ano coma xogador profesional, no AD Covadonga.
Unha vez retirado comezou a adestrar ao xuvenil do CD Arenteiro, chegando a dirixir o primeiro equipo.
Coa selección de fútbol editar
No ano 2005 foi convocado pola selección de fútbol de Galicia para disputar un encontro amigábel ante Uruguai no estadio de San Lázaro, o resultado foi de 3-2 para Galiza.