José Garra Garra
José Garra Garra, nado en Ponteareas en 1896 e finado en Vigo en xaneiro de 1963, foi un industrial e político galego.
José Garra Garra | |
---|---|
Nacemento | 1896 |
Lugar de nacemento | Ponteareas |
Falecemento | xaneiro de 1963 |
Lugar de falecemento | Vigo |
Nacionalidade | España |
Ocupación | político |
[ editar datos en Wikidata ] | |
Traxectoria editar
Fillo dunha familia adiñeirada propietaria da fábrica de curtidos La Perillana en Ponteareas. Era sobriño de Amado Garra e Emilio Garra Castellanzuelo. Enxeñeiro técnico. Na ditadura de Primo de Rivera foi elixido alcalde de Ponteareas o 25 de xaneiro de 1924, permanecendo no cargo ata agosto de 1925, cando presentou a dimisión como alcalde e concelleiro logo de que o Gobernador civil destituíse aos seis concelleiros agrarios e ao concelleiro socialista.
Casou en 1927 con María Luisa Vieitez Soto e instalouse en Tui, onde se incorporou en 1930 como socio e xerente á empresa Oliveira, Valencia y Compañía que producía as galletas La Peninsular. Coa Segunda República foi o primeiro alcalde republicano de Tui, posto do que dimitiu a finais de 1933. Despois trasladouse a Vigo.
Co golpe de Estado do 18 de xullo de 1936 foi acusado de rebelión militar e encadeado, librou do pelotón de fusilamento pola súa amizade co xeneral Mola, a quen tiña traslado no seu auto ata Lisboa anos antes. Foille incoado expediente de responsabilidades políticas en 1941. Despois da guerra pasou a residir en Madrid para facilitar os estudos da súa filla Carmela. Finou en Vigo en xaneiro de 1963.[1]
Predecesor: José Gil Marín |
Alcalde de Ponteareas 1924 - 1925 |
Sucesor: Ramiro Sabell Mosquera |
Predecesor: Benito Pérez Álvarez |
Alcalde de Tui 1931 - 1933 |
Sucesor: Jacinto Fernández Lago |
Notas editar
- ↑ Necrolóxica en El Pueblo Gallego, 19-1-1963, p. 13.
Véxase tamén editar
Bibliografía editar
- Añoveros Trías de Bes, Xabier; Martínez Gamallo, Loli (2007). Los alcaldes de Tui del siglo XX. Historia de la ciudad a través de los plenos municipales. Pontevedra: Deputación. ISBN 978-84-612-2481-4.
Ligazóns externas editar
- A fábrica de galletas "La Peninsular"
- José Garra Garra na páxina web Nomes e Voces.