Joel Barlow
Joel Barlow, nado en Redding (Connecticut) o 24 de marzo de 1754 e finado en Zarnowiec o 24 de decembro de 1812, foi un poeta e político americano.
| Joel Barlow | |
|---|---|
 | |
| Nacemento | 24 de marzo de 1754 e 1754 |
| Lugar de nacemento | Redding |
| Falecemento | 26 de decembro de 1812, 24 de decembro de 1812 e 1812 |
| Lugar de falecemento | Żarnowiec |
| Causa | pneumonía |
| Nacionalidade | Estados Unidos de América |
| Alma máter | Dartmouth College e Universidade Yale |
| Ocupación | poeta, diplomático, escritor e político |
| Coñecido por | The Columbiad |
| Na rede | |
   | |
 | |
| [ editar datos en Wikidata ] | |
Traxectoria Editar
Graduouse en Yale en 1778 e durante dous anos realizou estudos de posgrao, ata que en setembro de 1780 uniuse a unha brigada de Massachusetts. En 1783 establécese en Hartford e alí fundou en xullo de 1784 o semanario American Mercury.
En Hartford foi membro dun grupo de escritores novos coñecidos como Hartford Wits na historia da literatura americana, entre eles estaban Lemuel Hopkins, David Humphreys e John Trumbull. En 1787 publicou un longo e ambicioso poema, The Vision of Columbus, que lle deu unha considerable reputación literaria.
En 1788 trasladouse a Francia como axente da compañía Scioto Land Company, dedicada a vender terras e atraer emigrantes para os Estados Unidos, non está claro se Barlow coñecía o carácter fraudulento da compañía, pero en París asume posicións políticas radicais. Viviu tamén en Londres, onde publicou o ensaio Advice to the Privileged Orders (1792) prohibido polo goberno británico.
En 1792 concedeuselle a cidadanía francesa. En 1793 publicou Hasty Pudding. Entre 1795 e 1797 foi cónsul americano en Alxer e negociou un tratado con Trípoli. En 1805 volveu aos Estados Unidos ata que en 1811 regresa a Francia como plenipotenciario norteamericano co encargo de negociar un tratado comercial con Francia e a devolución ou a indemnización polas propiedades confiscadas aos americanos despois da Revolución francesa. Morreu durante a retirada das tropas francesas, mentres tentaba entrevistarse con Napoleon.