Joaquín Merino

Joaquín Merino Pérez, nado en Madrid o 6 de maio de 1927 e finado na mesma cidade o 15 de decembro de 2011, foi un escritor, tradutor e xornalista español.

Joaquín Merino

Biografía
Nacemento	6 de maio de 1927 Madrid, España
Morte	15 de decembro de 2011 (84 anos) Madrid, España
Educación	Universidade de Deusto
Actividade
Ocupación	escritor

Traxectoria

Licenciouse en Dereito na Universidade de Deusto e logo trasladouse ao Reino Unido, onde se formou e estudou inglés. De volta a Madrid a comezos dos anos sesenta traballou como agregado turístico da embaixada británica en España e como asistente comercial para British Airways.

En 1964 estreouse como narrador coa novela La isla (Premio Café Gijón) e posteriormente dedicouse ao xornalismo cultural e gastronómico. Fíxoo na radio, en Radio Peninsular, no magazine de Luis del Olmo a comezos dos setenta e despois en distintas emisoras (Radio Nacional de España, COPE, Antena 3), xornais (ABC, Ya, Madrid, El Alcázar, La Estafeta Literaria, El País), e en Televisión Española ata que se fixo un sitio na edición española de La Voz de Galicia, coa que colaboraba a miúdo.

Como tradutor destaca o seu traballo ao verquer boa parte das obras de Sigmund Freud ao español.

Vida persoal e relación con Galicia

Ademais de casar cunha muller galega, Mercedes Pérez, na segunda metade da súa vida mantivo unha intensa relación con Galicia e a súa gastronomía, e chegou a publicar un libro sobre a cociña galega e unha guía turística de Vilagarcía de Arousa.

Obra

Ficción

• Secundino (1963)
• La isla (1964)
• La cueva (1966)
• El hombre invisible
• Solo mirando (1970)
• Las violadoras (1980) - novela erótica
• Una chica con complejo (1980) - novela erótica

Non ficción

• Londres para turistas pobres (1959)
• Londres, ciudad centrífuga (1965)
• Londres para turistas ricos (1972)
• Londres para pecadores (1973)
• Confidencias más o menos pop (1973)
• Madrid para reprimidos (1974)
• Las cosas de la vida (1976)
• Yo, Madrid (1976)
• Yo, Londres (1977)
• Andar y charlar (1977)
• Galicia ensebre (1978)
• El Salmón en su mesa y su cocina (1989)
• La edad no es cosa de años. Manual y guía para cuarentones, cincuentones, sesentones y similares, cómo mantenerse joven y feliz (1991)
• Perla de Arousa (1992)
• Titanes de los fogones (2005)
• Historias de la buena vida (2006)