Joanna Russ

Joanna Russ, nada en Nova York o 22 de febreiro de 1937 e finada en Tucson o 29 de abril de 2011, foi unha escritora, académica e feminista radical estadounidense. É a autora de varias obras de ciencia ficción, fantasía e crítica literaria feminista como How to Suppress Women's Writing. A súa obra máis soada é The Female Man, unha novela que combina sátira e ficción utópica, que pode lerse como novela, así como na súa calidade de texto teórico.

Joanna Russ

Biografía
Nacemento	22 de febreiro de 1937 Nova York, Estados Unidos de América
Morte	29 de abril de 2011 (74 anos) Tucson, Estados Unidos de América
Causa da morte	Morte natural  (Ictus )
Datos persoais
Residencia	Bronx
País de nacionalidade	Estados Unidos de América
Relixión	Ateísmo
Educación	Universidade Cornell - grao en Artes Yale School of Drama - Master of Fine Arts (en)
Actividade
Campo de traballo	Ensaio e Estudos de xénero
Ocupación	escritora , activista polos dereitos das mulleres , xornalista , escritora de literatura infantil , escritora de ciencia ficción , profesora universitaria , ensaísta , novelista , writer of feminist science fiction (en)
Empregador	Universidade de Washington
Xénero artístico	Ficção científica feminista (pt)
Lingua	Lingua inglesa
Obra
Obras destacables (1970) And Chaos Died (en) (1972) When It Changed (en) (1975) The Female Man (1976) The Adventures of Alyx (en) (1977) We Who Are About To... (en) (1978) The Two of Them (en) (1983) How to Suppress Women's Writing (en) (1995) To Write Like a Woman (en)
Premios (2013)  Science Fiction and Fantasy Hall of Fame (1995)  Otherwise Award (pt) , premiado polo traballo When It Changed (en) (1995)  Otherwise Award (pt) , premiado polo traballo The Female Man (1988)  Pilgrim Award (en) (1987)  Tähtivaeltaja Award (en) , premiado polo traballo The Female Man (1983)  Hugo Award for Best Novella (en) , premiado polo traballo Souls (en) (1972)  Prêmio Nebula de Melhor Conto (pt) , premiado polo traballo When It Changed (en)  Premio Nébula

Traxectoria

Joanna Russ naceu no Bronx, na cidade de Nova York. Os seus pais, Evarett I. e Bertha (nada Zinner) Russ, foron ambos os dous profesores. Comezou a escribir ficción nunha idade moi temperá. A través dos anos, enche os seus cadernos con historias, poemas, banda deseñada e ilustracións, a miúdo encadernadas a man.

Sendo estudante do último ano no Instituto William Howard Taft, Russ foi escollida entre os primeiros dez postos do Westinghouse Science Talent Search. Gradúase na Universidade Cornell, onde estuda con Vladimir Nabokov  en 1957, e obtén un mestrado en Belas Artes na Yale Drama School en 1960. Despois de ensinar en varias universidades, incluíndo Cornell, pasa a ser profesora de tempo completo na Universidade de Washington.