Jesús Bernárdez Gómez
Jesús Bernárdez Gómez, nado en Redondela o 24 de agosto de 1915 e finado en Cidade de México o 15 de outubro de 2009, foi un mestre e político galego.
| Biografía | |
|---|---|
| Nacemento | 24 de agosto de 1915  Redondela, España |
| Morte | 15 de outubro de 2009 (94 anos) Cidade de México |
| Datos persoais | |
| País de nacionalidade | España |
| Actividade | |
| Ocupación | mestre , político |
| Lingua | Lingua castelá |
| Familia | |
| Pai | Telmo Bernárdez |
Traxectoria editar
Fillo de Telmo Bernárdez Santomé e Isabel Gómez. Cando rematou o bacharelato ingresou na Escola Normal de Maxisterio de Pontevedra en 1931, igual que os seus irmáns Isabel e Telmo. Cando estudante militou na Federación Universitaria Escolar, da que foi secretario en 1933.[1] Aos 18 anos integróuse na Organización Republicana Gallega Autónoma (ORGA), pasando despois a militar en Izquierda Republicana, organización da que foi presidente de Redondela. Foi mestre no Pósito de mariñeiros de Cangas. Co golpe de Estado do 18 de xullo de 1936 foi detido co seu pai e o seu irmán Telmo e estiveron presos na Illa de San Simón. Escapou do cárcre de Redondela e refuxiouse en Porto grazas á axuda do socialista portugués Mario Cal Brandao. Logo dunhas semanas marchou a Francia nun mercante noruegués, e regresou á zona leal. Foi soldado e oficial de Enxeñeiros, combateu na Batalla do Ebro, e conseguiu o grao de tenente na Escola Popular de Guerra de Barcelona. Ao rematar da guerra pasou a Francia e estivo no campo nº 5 bis de Argelès-sur-Mer. De alí marchou a México chegando a Veracruz a bordo do Buque Ipanema. Recibiu ayuda do JARE e SERE. En México foi presidente do Centro Republicano Español de México e da Comisión Pro-monumento da emigración republicana española a Lázaro Cárdenas. Asinou o manifesto "A la emigración republicana española y a los republicanos gallegos" xunto cos galegos de Izquierda Republicana Laureano Poza Juncal, Elías Arias Parga e Ramón Padín, no folleto "Conducta seguida a causa de la representación gallega en el Gobierno".[2] Formou parte do cadro de profesores do Colegio Madrid, do Instituto Hispano-Mexicano Ruiz de Alarcón e foi catedrático de Análise Alxebraica na Escuela Normal Superior. En 1976 regresou a España onde pasou tempadas durante os últimos anos da súa vida e foi un dos fundadores do Centro de Investigaciones y Estudios Republicanos (CIERE).
Notas editar
- ↑ La Voz de Galicia, 22-10-1933, p. 8.
- ↑ Sixirei Paredes, Carlos (1987). Alfredo Somoza. Encadramento histórico dunha figura esquecida do galeguismo. Sada: Do Castro. p. 94.
Véxase tamén editar
Ligazóns externas editar
- Biografía en Cátedra del Exilio.
- Ficha no Repertorio biobibliográfico do exilio galego,
- Ficha no PARES
- Jesús Bernárdez Gómez na páxina web Nomes e Voces.