Jarinko Chie
Jarinko Chie (xaponés: じゃりン子チエ; lit. "Chie, a tunanta") é unha serie de banda deseñada xaponesa escrita e ilustrada por Etsumi Haruki. Foi publicada pola editorial Futabasha na revista Manga Action entre o 1978 e o 1997, e reunida en 67 volumes, o que a converte no 45.º manga máis longo da historia. Jarinko Chie recibiu o premio Shogakukan no 1981, na categoría de manga para o público xeral.[1]
| Jarinko Chie | |
|---|---|
| Título orixinal | じゃりン子チエ |
| Autor/a | Etsumi Haruki |
| Ilustrador/a | Etsumi Haruki |
| Orixe | Xapón |
| Lingua | Xaponés |
| Xénero(s) | Manga |
| Editorial | Futabasha |
| Data de pub. | 1978-1997 |
| [ editar datos en Wikidata ] | |
| A Galipedia ten un portal sobre: Xapón |
Sinopse editar
Chie é unha nena con mal xenio que vive nas aforas de Osaca, dominadas pola presenza da yakuza e os seus casinos.[2] Neste perigoso contexto, Chie terá que atender o posto de comidas do seu pai, un xogador empedernido que sempre anda metido en leas.[2] Cun estilo humorístico, o manga narra a tenra relación entre pai e filla.[2]
Personaxes editar
- Chie Takemoto. A protagonista, unha rapaza con mal xenio.
- Tetsu Takemoto. O pai de Chie, un xogador desempregado.
- Kotetsu. A mascota de Chie, un gato que destaca pola marca en forma de lúa da súa fronte.
Adaptacións editar
Jarinko Chie foi adaptada en dúas ocasións. Por unha banda, está o filme das produtoras Tokyo Movie Shinsha e Toho, dixirido polo célebre Isao Takahata. Esta película estreouse no Xapón o 11 de abril do 1981. En segundo lugar, houbo unha serie de animación para televisión de 64 episodios, producida tamén por Tokyo Movie Shinsha e dirixida por Takahata. Este anime emitiuse no país nipón entre o 3 de outubro do 1981 e o 25 de marzo do 1983.[3] Unha secuela de 39 episodios emitiuse entre o 19 de outubro do 1911 e o 22 de setembro do 1992.[3]
Videoxogos editar
En total, producíronse dous videoxogos baseados no manga, ningún dos cales se vendeu fóra do Xapón.
| Título | Videoconsola | Data de publicación | Produtora |
|---|---|---|---|
| Jarinko Chie: Bakudan musume no shiawase sagashi じゃりン子チエ ばくだん娘の幸せさがし[4] | Famicom | 15 de xullo do 1988 | Konami |
| Simple Characters 2000 Series Vol. 04: The Hanafuda Jarinko Chie[5] | PlayStation | 29 de novembro do 2001 | Bandai |
Notas editar
- ↑ "小学館漫画賞：歴代受賞者". web.archive.org. 2015-08-05. Arquivado dende o orixinal o 05 de agosto de 2015. Consultado o 2024-02-25.
- ↑ 2,0 2,1 2,2 "Downtown Story". web.archive.org (en inglés). 2017-03-17. Arquivado dende o orixinal o 17 de marzo de 2017. Consultado o 2024-02-25.
- ↑ 3,0 3,1 "Chie the Brat // Nausicaa.net". www.nausicaa.net. Consultado o 2024-02-25.
- ↑ "Jarinko Chie: Bakudan Musume no Shiawase Sagashi". StrategyWiki (en inglés). 2022-05-09. Consultado o 2024-02-25.
- ↑ "SIMPLE CHARACTERS 2000 SERIES VOL.04 - JARINKO CHIE - THE HANAFUDA - (NTSC-J)". psxdatacenter.com. Consultado o 2024-02-25.
Véxase tamén editar
Ligazóns externas editar
- じゃりン子チエ - Páxina oficial do manga (en xaponés)
- じゃりン子チエ - Páxina oficial do anime (en xaponés)
- Jarinko Chie (manga) (en inglés)