Jacques Tourneur

director de cinema franco-estadounidense

Jacques Tourneur, nado en París o 12 de novembro de 1904 e finado en Bergerac (Dordoña) o 19 de decembro de 1977 foi un director de cinema franco-estadounidense, coñecido polos seus filmes de terror para a RKO Studios.

Jacques Tourneur
Nome completoJacques Tourneur
Nacemento12 de novembro de 1904
LugarParís
Falecemento19 de decembro de 1977
LugarBergerac, Dordoña
Nacionalidade Francia
EtniaFrench Americans
PaiMaurice Tourneur
ProfesiónDirector
Na rede
IMDB: nm0869664 Allocine: 2852 Allmovie: p114444 TCM: 193367
Find a Grave: 141096082 Editar o valor em Wikidata
editar datos en Wikidata ]

Traxectoria editar

Nado en París, era fillo do director Maurice Tourneur,[1] co que se mudou aos Estados Unidos con dez anos.[1] Iniciouse no cinema mentres estudaba no instituto como extra e como anotador en varios filmes mudo.[1] Pai e fillo volveron a Francia tralo seu traballo en The Mysterious Island.[1]

Tourneur comezou a traballar como montador e axudante de director e debutou como director na curtametraxe francesa Tout ca ne vaut pas l'amour en 1931.[1] En 1934 volveu a Hollywood, onde conseguira un contrato con MGM Studios. Mentres traballaba como director da segunda unidade no filme A Tale of Two Cities coñeceu o produtor Val Lewton.

A súa primeira longametraxe como director foi They All Come Out en 1939. Dous anos despois foi despedido da MGM e acollido por Lewton para rodar varios aclamados filmes de terror de baixo orzamento para RKO Studios, como A muller pantera e Eu andei cun zombi.[1] A pesar de que A muller pantera fose considerado un filme de serie B o seu estilo de iluminación e fotografía foi imitado innumerables veces. Tourneur foi entón ascendido á primeira categoría de directores da RKO, dirixindo filmes como Retorno ao pasado e Berlín Express.[1] Na década de 1950 converteuse en director independente e realizou filmes de distintos xéneros como O falcón e a frecha, Stars in My Crown e Night of the Demon. Os seus últimos filmes, A comedia dos terrores (1963) e War-Gods of the Deep (1965) foron protagonizados por Vincent Price.

Nos últimos anos da súa carreira dirixiu episodios de series de televisión, ata que se retirou en 1966 e volveu a Francia.[1]

Filmografía editar

Director editar

Curtametraxes

  • 1931 – Tout ça ne vaut pas l'amour
  • 1936 – The Jonker Diamond
  • 1936 – Harnessed Rhythm
  • 1936 – Master Will Shakespeare
  • 1936 – Killer Dog
  • 1937 – The Grand Bounce
  • 1937 – The Boss Didn't Say Good Morning
  • 1937 – The King Without a Crown
  • 1937 – The Rainbow Pass
  • 1937 – Romance of Radium
  • 1937 – The Man in the Barn
  • 1937 – What Do You Think?
  • 1938 – What Do You Think? (Number Three)
  • 1938 – The Ship That Died
  • 1938 – The Face Behind the Mask
  • 1938 – What Do You Think?: Tupapaoo
  • 1938 – Strange Glory
  • 1938 – Think It Over
  • 1939 – Yankee Doodle Goes to Town
  • 1942 – The Incredible Stranger
  • 1942 – The Magic Alphabet
  • 1944 – Reward Unlimited

Longametraxes

Notas editar

  1. 1,0 1,1 1,2 1,3 1,4 1,5 1,6 1,7 Earnshaw 2004, p. 102

Véxase tamén editar

Bibliografía editar

  • Earnshaw, Tony (2004). Tomahawk Press, ed. Beating the Devil: The Making of Night of the Demon. ISBN 0-9531926-1-X. 
  • Young, Gwenda (2001) 'Shadows: Jacques Tourneur's Cinema of Ambiguity'. Film Ireland, 83 (*):47–51.
  • Young, Gwenda (1999) 'Jacques Tourneur's World War II Films: From Unity to Chaos'. Popular Culture Review, 10 (2):55–65.
  • Young, Gwenda (1998) 'The Cinema of Difference: Jacques Tourneur, Race and I Walked with a Zombie (1943)'. ''Irish Journal of American Studies, 7:101–121.

Ligazóns externas editar