Iuri Borísovich Levitán (en ruso: Ю́рий Бори́сович Левита́н), nado o 2 de outubro de 1914 e finado o 4 de agosto de 1983, foi un locutor de radio soviético, célebre polos seu partes de guerra en Radio Moscova, que adoitaba comezar dicindo: "Atención, fala Moscova!" (ruso: Внимание, говорит Москва!). A súa profunda voz anunciou vitorias en batalla, avisos de bombardeo, e a rendición de Alemaña á Unión Soviética o 9 de maio de 1945.[1] Tamén foi quen fixo pública a primeira información da morte de Stalin, e da primeira viaxe tripulada ao espazo. A súa voz era inmediatamente recoñecida polo público soviético.

Iuri Borísovich Levitán
Nacemento2 de outubro de 1914
Lugar de nacementoVladímir, Rusia
Falecemento4 de agosto de 1983 (68 anos)
Lugar de falecementoPrókhorovka, Rusia
Soterradocemiterio Novodevichii
NacionalidadeUnión Soviética e Imperio Ruso
OcupaciónLocutor de radio
PremiosMedalla da vitoria sobre Alemaña na gran guerra patriótica 1941-1945, Orde da Revolución de Outubro, Orde da Insignia de Honra, Artista do Povo da URSS, Bandeira Vermella do Traballo, Medalha "Pela Defesa de Moscou", Medal "Veteran of Labour", Medalha de "Mérito de Trabalho da Grande Guerra Patriótica 1941-1945", People's Artist of the RSFSR, Artista de Honor da RSFSR, Medalha do Jubileu "Em Comemoração ao 100.º Aniversário do Nascimento de Vladimir Ilitch Lenin", Jubilee Medal "Twenty Years of Victory in the Great Patriotic War 1941–1945", Jubilee Medal "Thirty Years of Victory in the Great Patriotic War 1941–1945", Medalha do Jubileu de 50 anos das Forças Armadas da URSS, Jubilee Medal "60 Years of the Armed Forces of the USSR" e Medal "In Commemoration of the 800th Anniversary of Moscow"
Na rede
IMDB: nm0506162 Musicbrainz: 71469b1b-634e-463e-8c21-0e38b00f41c5 Discogs: 3037989 Editar o valor em Wikidata
editar datos en Wikidata ]

Levitán era xudeu[2], e naceu en Vladímir, Rusia; o seu pai, Boris Levitán, era xastre, e a súa mai, María, era ama de casa. Levitán chegou a Moscova procurando unha carreira artística como actor, pero os seus fracasos levárono a se conformar cun posto de locutor. O seu fabuloso ton de voz era unha excelente baza, pero foi contratado coa condición de se desfacer do seu forte acento de Vladímir. Foi o mesmo Stalin quen recoñeceu o valor nos medios de Levitán, esixindo persoalmente ás autoridades da radio soviética o seu ascenso a locutor principal.[3]

Ao dar comezo a segunda guerra mundial en Rusia, Levitán foi evacuado a Sverdlovsk no outono de 1941 xunto coa emisora, que foi desmontada e trasladada ao leste para poder seguir emitindo lonxe da fronte. Naquel tempo o paradeiro de Levitán era un segredo de Estado, debido á súa importancia como a máis destacada personalidade da radio soviética. Os militares do Exército Vermello adoitaban dicir que a voz de Levitán tiña a forza dunha división enteira. Para o Terceiro Reich, Levitán era o inimigo número 1, mesmo por diante de Stalin, e había unha recompensa de 250.000 marcos pola súa cabeza.[3]

Tras a guerra informou de eventos na Praza Vermella e anunciaba proclamacións estatais. Entre 1978 e 1983 anunciou o solemne "Minuto de Silencio" anual para conmemorar a vitoria na Grande Guerra Patriótica. En 1980 foille outorgado o título de Artista do Pobo da URRS. Faleceu en 1983 en Prókhorovka, durante as cerimonias do aniversario da Batalla de Kursk. Está enterrado no famoso cemiterio de Novodevichy, en Moscova.

Notas editar

  1. Belenitskaya, Olga (16 April 2015). "Moscow is speaking: The voice that brought hope to a nation". Russia Behind the Headlines. Consultado o 6 May 2015. 
  2. Museum of Jewish History Arquivado 03 de decembro de 2013 en Wayback Machine., The new exhibition “The Jews of Moscow” has opened in the Museum, 5-20 September 2011.
  3. 3,0 3,1 http://russiapedia.rt.com/prominent-russians/history-and-mythology/yury-levitan/

Véxase tamén editar